| e-texts navigator |
| Wylie |
194a1 སྡོག་པ་དང་། ཐེ་ཚོམ་ཆད་ནས་སླར་དོང་བ་དང་། གང་ཁོ་བོ་འཁོར་དེར་འདུས་པར་གྱུར་པས་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་བདག་ཅག་གིས་བྱང་ཆུབ་ཀྱི་སྙིང་པོ
194a2 ཞེས་བགྱི་བ་ཆོས་ཐམས་ཅད་ཀྱི་རྩ་བ་དེ་མ་མཐོང་མ་དམིགས་ལགས་སོ།། ཡང་དག་པར་མ་རྙེད་ངེས་པ་མ་འཚལ་བ་ལགས་སོ།། བགྲོད་པས་མ་ཁྱབ་ལགས་ན་འདི་གང་ན་མཆིས།། གང་དུ་བཙལ།། གང་ཞིག
194a3 ལགས།། གང་ལ་བགྱི།། གང་དུ་སྟོར། བཅོམ་ལྡན་འདས་དུས་ཀྱི་སྐད་ཅི་མ་འདི་ཉིད་དུ་བསྟན་དུ་གསོལ། བདེ་བར་གཤེགས་པ་འདི་བསྟན་དུ་གསོལ། ཞེས་ཞུས་པ་ལས་བཅོམ་ལྡན་འདས་དེས་འདི་སྐད་ཅེས
194a4 བཀའ་སྩལ་ཏོ།། སེམས་དཔའ་ཆེན་པོ་བྱང་ཆུབ་གྱི་སྙིང་པོ་ཞེས་བྱ་བ་ཆོས་ཐམས་ཅད་ཀྱི་རྩ་བ་དེ་ནི་སྒྲིབ་པས་མ་མཐོང་། མེད་པས་མ་དམིགས། ཟབ་པས་མ་རྙེད། དཀའ་བས་མ་ཤེས། མྱུར་བས་མ་སླེབས། ཡངས
194a5 བས་མ་ཁྱབ་པ་ཡིན་ཏེ། འདི་མུན་པའི་ཁམས་ན་ཡོད།། གྲོང་ཁྱེར་གསུམ་དུ་བཙལ། འདི་ཡན་ལག་དང་མདོ་དང་རྩ་བ་ཡིན། ངོ་བོ་དེ་ཁོ་ན་ཉིད་ལ་བྱ། མུན་པའི་ཁམས་སུ་སྟོར།། སེམས་དཔའ་ཆེན་པོ་དེ་ལྟ་བས་ན
194a6 མུན་པ་འདི་བསལ་བའི་ཕྱིར་འདིའི་རང་བཞིན་ལ་མཁས་པར་བྱའོ།། དེ་བཞིན་དུ་ངོ་བོ་དང་། མཚན་ཉིད་དང་། ཡན་ལག་དང་། ཇི་སྲིད་པའི་ཡུན་དང་། ལས་དང་། མུན་པའི་རྣམ་གྲངས་དང་། དཔེ་ལ་སོགས་པ
iiif viewer powered by OpenSeadragon
