| e-texts navigator |
| Wylie |
193a1 བྲལ།། བསམ་དུ་མེད་པའི་ཆོས་ཉིད་ནི།། མི་བསམ་དེ་བཞིན་ཉིད་དུ་གཞག། བསམ་གྱིས་མི་ཁྱབ་ཆོས་རྣམས་ཀུན།། བསམ་མེད་དེ་བཞིན་ཉིས་ལས་མེད།། ས་དང་རྣམ་ཐར་ལ་སོགས་པ།། ཆོས་སྐུ
193a2 བྱང་ཆུབ་དཀར་པོའི་ཕྱོགས།། ཀུན་ཀྱང་བསམ་དུ་མེད་པ་ཡི།། གོལ་སྒྲིབ་ཆེན་པོར་གྱུར་པ་ཡིན།། འདའ་དཀའ་ཆེན་པོའི་དཀའ་ཐུབ་ནི།། མ་བཅོས་དེ་བཞིན་ཉིད་ཁོ་ན།། དཔག་མེད་རལ་བ་འདའ་བར་དཀའ།།
193a3 གང་གཟུགས་མེད་ལས་གང་འཛིན་གོལ།། བད་ལ་ཁྱབ་ཆེན་པོའི་ས་འདི་ནི།། ཡེ་ནས་མ་བགྲོད་རང་བཞིན་བཀོད།། ས་འདིར་མ་ཆུབ་གང་ཡང་མེད།། གང་འདིར་ས་བཀོད་གང་བགོད་གོལ།། དེ་བཞིན་དེ་རིག་ཡེ
193a4 འབྱུང་ལ།། ཁྱད་པོར་རིམ་པར་འབྱུང་འདོད་གང་།། གང་འདིར་རྨོངས་པ་ཁོ་ནའོ།། རང་བྱུང་དེ་ལས་ངེས་པར་གྲོལ།། བསམ་ཡུལ་དམིགས་སུ་མེད་པ་ལ།། བཏང་སྙོམས་ཆེན་པོའི་རྣལ་འབྱོར་པ།། ཇི་བཞིན་པ་ཉིད
193a5 ཡིན་བཞིན་དུ།། ལུས་དབེན་སེམས་འཆོས་གོལ་སར་ཞུགས།། ཀུན་གྲོལ་ཆེན་པོ་དེ་ཉིད་ལ།། བཅིང་གྲོལ་མེད་པར་ངེས་བཞིན་རུ།། གང་འདིར་དཀའ་ཐུབ་རྟོགས་པས་བཅིངས།། རྣམ་གྲོལ་ཆེན་པོ་ཉིད་ལས་གྲོལ།།
193a6 ཡེ་ནས་མ་བཅོས་ཉིད་ཁོ་ནར།། གང་གནས་དེ་ཉིད་དེ་ཁོ་ན།། དེ་ལ་གོལ་ས་ག་ལ་ཡོད།། གོལ་སྒྲིབ་ཉིད་ཀྱང་དེ་ཁོ་ན།། དེ་སྐད་ཅེས་བགྲོས་ལས་ལང་ཀའི་བདག་པོ་ལ་སོགས་པ་དམན་པའི་ལུས་ཀྱི་སེམས་དཔའ
iiif viewer powered by OpenSeadragon
