| e-texts navigator |
| Wylie |
192a1 ཉིད་ཀྱི་ན་ད་སྐད་ཅིག་མས།། མི་གཡོ་རྒྱུན་དུ་དྲན་པར་བྱ།། དེ་ལྟར་དེ་ལ་མཉམ་གཞག་ན།། རྟགས་ཀྱི་ཚོར་བ་འདི་ལྟར་འབྱུང་།། དྲོད་དང་རྟགས་དག་ཆོ་འཕྲུལ་དང་། མངོན་པར་དང་ནི་ཡེ་ཤེས
192a2 འབྱུང་།། དྲོད་ནི་གཡོ་དང་ཐོབ་པ་དང་།། རྟགས་ནི་འབྱུང་དང་བརྟན་པ་དང་།། ཆོ་འཕྲུལ་འབྱུང་དང་རྫོགས་པ་དང་།། གང་དུ་རིག་པ་ཐམས་ཅད་གསལ།། དེར་ནི་དོན་རྣམས་རྫོགས་པ་ཡིན།། དཔེར་ན་མུན་པ
192a3 སངས་པ་དང་།། སྣང་བ་བྱུང་དང་ནམ་མཁའ་དང་།། ཀུན་དུ་མཐོང་དང་ཐམས་ཅད་གསལ།། དེས་ན་དེ་ཡི་ཁྱད་པར་གྱིས།། གང་དུ་ཆགས་པའི་མུན་བསལ་ཏེ།། ཇི་ལྟར་རླུང་གིས་སྤྲིན་ཕྱགས་ལྟར། སྐད་ཅིག་ཙམ
192a4 གྱི་རྣལ་འབྱོར་གྱིས།། མུན་པའི་ཁམས་དེ་འཕྱག་པར་འགྱུར།། ཇི་ལྟར་མ་མེས་མུན་བསལ་ན།། དེ་ཉིད་སྣང་བར་གྱུར་པ་བཞིན།། སྐད་ཅིག་མ་ཡི་དེ་རིག་ན།། སྔོན་ནས་ཞེན་པའི་མུན་པ་སེལ།། དེ་གང་རིག་པ་དེ
192a5 དག་ནི།། དེ་ཉིད་དེ་ཡི་སྒོ་ཕྱེ་ཞིང་།། དེ་བཞིན་མིག་དང་དེ་ལྡན་པས།། མཐོང་ཟོས་ཚིག་ལམ་ལེའུ་བཞིར་བསྡེབས།། ས་པ་ཡིན་པས་དེ་ལ་ལྟོས།། དེ་ཡི་མིག་དང་མ་ལྡན་ན།། མུ་མཐའ་ཡས་པའི་ཚིག་རྣམས་ཀྱིས།།
192a6 དེ་ལ་ཐ་སྙད་ཅི་བརྗོད་ཀྱང་།། ངེས་མ་ངེས་ཀྱི་དམིགས་མི་ཕྱེད།། ཚིག་ཕྱིར་བློ་འབྲངས་དམུ་རྒོད་དག། བསླབ་པའི་ས་དང་ལམ་མ་ཡིན།། ཚིག་ལམ་འབུམ་ཕྲག་ཅི་བརྗོད་ཀྱང་།། གཞན་ལ་སྨྲ་བར་བྱ་མ་ཡིན།། གལ
iiif viewer powered by OpenSeadragon
