| e-texts navigator |
| Wylie |
190a1 ཇི་ལྟར་འགྲུས་པ་བཞིན།། དེ་ཉིད་སྐད་ཅིག་དེ་ལྟར་སྣང་།། རྟག་པ་མི་གནས་སྐད་ཅིག་མ།། མི་ནུབ་མ་ཆགས་བདེ་ཆེན་སེམས།། སེམས་ཀྱི་དབྱིངས་ལས་མ་གཏོགས་པ།། གཞན་ཞེས་གང་ཡང་མེད
190a2 པས་ན།། གོལ་སྒྲིབ་བྱ་བ་ག་ལ་ཡོད།། སུ་ཞིག་གོལ་སྒྲིབ་དོན་དུ་གཉེར། གང་གིས་གོལ་སྒྲིབ་ཇི་ལྟར་རྙེད།། གོལ་སྒྲིབ་ཉིད་ཀྱང་དེ་ཉིད་དབྱིངས།། བཙལ་བས་དེ་ཡང་དེ་ལ་ཐུག། གཞན་དུ་བཙལ་ཞིང་དེ་ལས་བྱུང་།།
190a3 བལྟས་པས་མཐོང་བ་རྟོག་པ་མེད།། འཇའ་སྣ་མུན་ཁུང་ཇི་བཞིན་ནོ།། དེ་ཉིད་མཐོང་བའི་ཁྱད་པར་ལས།། སྤྱོད་ལམ་དངོས་གཞི་གང་སྤྱད་ཀྱང་།། འཆིང་བར་མི་འགྱུར་འགྲོལ་འགྱུར་ཐལ།། ཐམས་ཅད་དེར་སྦྱངས
190a4 ལམ་གནས་མཆོག། གང་ཉིད་དོན་གྱི་རྗེས་ཚོལ་ཞིང་།། གོལ་སྒྲིབ་ཡོངས་སུ་གཅོད་འདོད་པའི།། མཐའ་སེལ་རྣལ་འབྱོར་སེམས་དཔའ་པ།། གང་ལ་ཞེན་པའི་ཕྱོགས་བཟུང་སྟེ།། དབུས་མཐར་ལྟ་བ་དེ་བཟུང་བས།།
190a5 ཆོ་གའི་ངེས་བློ་བརྟན་པ་ཅན།། དེ་ཀུན་རྣལ་འབྱོར་ཡིན་མོད་ཀྱང་།། ཡང་དག་དོན་ལ་རྣལ་མི་འབྱོར།། སྤྱོད་ལམ་རྣལ་དུ་འབྱོར་མོད་ཀྱི།། ཡང་དག་དོན་དུ་ཡང་མ་འབྱོར།། ཕྱོགས་སུ་ལྟ་ལ་ཞེན་མོད་ཀྱི།། དམ་པའི
190a6 དོན་དུ་ཡང་མ་ཞེན།། གློ་བུར་ལས་རོ་ཚོར་མོད་ཀྱི།། ཆོས་ཉིད་ཀྱི་ནི་རོ་མ་ཚོར།། བདག་མེད་ཕྱོགས་བྲལ་ཟེར་མོད་ཀྱི།། ཕྱོགས་སུ་ལྟ་དང་ཡང་མ་བྲལ།། བརྟུལ་ཞུགས་རྟོག་པ་ཆོམས་མོད་ཀྱི།། གཟུང་འཛིན་རྟོག
iiif viewer powered by OpenSeadragon
