| e-texts navigator |
| Wylie |
189a1 མང་རྒྱ་ཆེར་བརྗོད་མོད་ཀྱང་།། དེ་ཀུན་དེ་བཞིན་ཉིད་དུ་འདུས།། མེ་ལོང་གསལ་བའི་སྙིང་པོ་ནི།། བཞིན་གྱི་གཟུགས་བརྙན་སྟོན་པ་ལྟར།། དེ་ཉིད་ཆོས་ཀྱི་མེ་ལོང་གིས།། ཀུན་གྱི་རང་བཞིན་གསལ
189a2 བར་བྱེད།། ཀུན་གྱི་རྩ་བ་རང་བྱུང་བས།། རང་བཞིན་ཅིས་ཀྱང་མ་བཅོས་པའོ།། ཀུན་ཤེས་རིག་པ་མི་ནུབ་པས།། འོད་གསལ་སྣང་བས་ཕྱོགས་ཀུན་མཐོང་།། ཐམས་ཅད་དེ་ཉིད་དེར་འདུས་པས།། དངོས་མེད་ངོ་བོ
189a3 ཉིད་དུ་ཟད།། དེ་བཞིན་ཉིད་དུ་ཀུན་གཅིག་པས།། གཉིས་སུ་བྱ་བའི་ཐ་སྙད་མེད།། རྒྱུ་ཉིད་འབྲས་བུར་ཡེ་རྫོགས་པས།། རེ་དོགས་གཉིས་བྲལ་དེ་ཁོ་ན།། དོར་བར་བྱ་བའི་དངོས་མེད་པས།། བླང་བར་བྱ་བ་ག་ལ
189a4 ཡོད།། མཐོང་ཟིན་སྦྱངས་ཟིན་བྱས་པ་ཟིན།། འདོད་པ་གྲུབ་ཟིན་སྤྱོད་པ་ཟིན།། དེ་བཞིན་དངོས་པོར་གྲུབ་ཟིན་པས།། དེ་ཉིད་རྙེད་པ་ཉིད་ལས་བྱུང་།། ཀུན་བརྟགས་ཀུན་ཉིད་དབེན་ན་སྣང་།། ཀུན་ལ་སྦྱོར་བས་དོན
189a5 བྱེད་ནུས།། ཐེ་ཚོམ་ཆད་པས་མཐུན་པར་སྣང་།། མདོར་ན་གསུམ་ཉིད་ཁོ་ན་ལ།། ལར་ན་གཉིས་ཉིད་ཁོ་ནར་ཟད།། ངེས་པར་གཅིག་ལས་མེད་པ་ཡིན།། ཐམས་ཅད་འདིར་འདུས་འདི་ལས་བྱུང་།། ཀུན་གྱི་རྩ་བ་འདི
189a6 ཤེས་ན།། ཀུན་ཀྱང་མ་བཅོས་ཇི་བཞིན་པ།། དེ་བཞིན་ཉིད་དེ་ཀུན་གྱི་མདོ། སྒྱུ་མར་ཀུན་སྣང་དངོས་གཞི་མེད།། ཆགས་པ་མེད་པས་ཡིད་མི་འཁྲུག། ནམ་མཁའི་ངང་ལ་རང་བཞིན་མེད།། རྟག་ཏུ་མེད་པས་དངོས
iiif viewer powered by OpenSeadragon
