| e-texts navigator |
| Wylie |
188b1 སྡུག་བསྔལ་རྨི་འདྲ་བ།། དབུགས་ཆེན་ཕྱིན་ནས་རྨི་སངས་ལྟར།། ཐམས་ཅད་བདེ་ཆེན་བྱང་ཆུབ་སེམས།། མཁའ་ལྟར་ཁྱབ་བདལ་ཉིད་དུ་སྣང་།། གློ་བུར་ལས་ཞེས་བརྟགས་པ་ཀུན།། འདུས་བྱས་ཡིན་ཏེ་མ་སྐྱེས
188b2 པས།། དེ་བཞིན་ཉིད་དེས་ཁྱབ་གད་ལ་ཆུབ།། བརྩལ་མེད་ཡེ་ཤེས་རང་འབྱུང་ཆེ།། ། བམ་པོ་བརྒྱད་པ་ཟུག་པ། ལང་ཀའི་བདག་པོ་འདི་ཉིད་ནི།། ཡིན་པར་ངེས་པའི་རྩ་བ་བདུན།། དེ་བརྟག་དེ་ཉིད་དེ་རྟོག་ན།།
188b3 དེ་ཉིད་རྣམ་པར་ངེས་པ་ཡིན།། གླིང་དང་རི་བོ་མི་ཁྱུད་བཅས།། ལྷུན་པོའི་རྩེ་མོ་ཉིད་ནས་གསལ།། དེ་རྙེད་ཐེག་པའི་རྣམ་གྲངས་ཀུན།། དེ་ཉིད་ཆེན་པོ་ཉིད་མཐོང་གསལ།། འཇིག་རྟེན་འོད་ཀྱི་རྒྱལ་པོ་ནི།། གཟི་ལྡན
188b4 གསལ་བའི་ཉི་མ་ཡིན།། ཆོས་ཀུན་ཡོངས་སུ་རྫོགས་གསལ་བ།། ཀུན་སྣང་ཆེན་པོ་དེ་ཉིད་དོ།། གོ་སྐབས་ཆེན་པོ་ནམ་མཁའ་ནི།། ཆེན་པོ་བཞི་ཡི་གོ་འབྱེད་ལྟར།། གསང་ཉིད་འདུས་པ་དེ་ཉིད་ཀྱིས།། བརྗོད་པའི
188b5 བརྗོད་ཀུན་གསལ་བར་འགྲེལ།། གང་གིས་བཀའ་ཡི་གསང་ཐོབ་ན།། མི་གང་གཞན་ལ་རག་མ་ལུས།། གསང་བའི་སྙིང་པོ་ཀུན་ཆུབ་མ།། སྒྲ་བརྗོད་གང་ལའང་བཙལ་མི་དགོས།། རྒྱུན་དང་བཅས་པའི་འབྱུང་བ
188b6 རྣམས།། ནམ་མཁའི་ངང་ལས་འབྱུང་ཞིང་སྣང་།། དེ་བཞིན་སྨྲ་བརྗོད་འབྱུང་བ་རྣམས།། དེ་ཉིད་ཟབ་མོའི་དབྱིངས་ནས་འབྱུང་།། དོན་དུ་བྱ་བའི་རྣམ་གྲངས་ཀུན།། མཐར་གྱིས་འབྲས་བུ་གྲུབ་པར་སྡུད།། གྲངས
iiif viewer powered by OpenSeadragon
