| e-texts navigator |
| Wylie |
186b1 རྣམས་ཕྱོགས་ཐམས་ཅད་གསང་བ་ཡོངས་སུ་ཆུབ་པར་གྱུར་ཏོ།། སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་མདོ་རྒྱ་ཆེར་འགྲེལ་པའི་ལེའུ་སྟེ་ལྔ་བཅུ་གསུམ་པའོ།། །། དེ་ནས་ཡང་ལང་ཀའི
186b2 མངའ་བདག་བྱང་ཆུབ་སེམས་དཔའ་སེམས་དཔའ་ཆེན་པོ་དེས་གསང་བ་པའི་བདག་པོ་དེ་ལ་རྩ་བའི་དྲི་བ་ཡོངས་སུ་དྲིས་པ། ཀྱེ་གསང་བ་པའི་བདག་པོ་གང་གི་རྩ་བ་ནི་གང་། ངེས་པར་འབྱིན་པ་ནི་གང་། གསང་བ
186b3 པའི་བདག་པོ་གོ་དབྱེ་བར་གསོལ། སྨྲ་བའི་སེང་གེ་ཤིན་ཏུ་གོ་དབྱེ་བ་གསོལ། དེ་སྐད་ཅེས་སྨྲས་པ་ལས། གསང་བ་པའི་བདག་པོས་སྨྲས་པ། ལང་ཀའི་བདག་པོ་གང་གི་རྩ་བ་དྲི་བ་དེ་ནི་ལེགས་སོ།། ཤིན་ཏུ་རབ་ཏུ
186b4 ལེགས་སོ།། འདི་ལྟ་སྟེ། རྩ་བ་ནི་མེ་ལོང་དང་། མི་མཐུན་པ་དང་། ངེས་པའོ།། ལང་ཀའི་བདག་པོ་དེ་མེ་ལོང་ནི་འདི་ལྟར་ནམ་མཁའི་ཆོས་མཐུན་པའི་དཔེ་ཉེ་བར་བཟུང་བ་སྟེ་ནམ་མཁའ་ཇི་ལྟར་བ་དེ་ལྟར་གང་གིས
186b5 ངེས་པ་ཡང་དེ་ལྟར་ལྟའོ།། ལང་ཀའི་བདག་པོ་དེ་ལ་ནམ་མཁའ་གང་ཞེ་ན། འདི་ལྟ་སྟེ། རང་བཞིན་གཅིག་པ་དང་། མི་གོས་པ་དང་། གོ་འབྱེད་པ་དང་། སྐྱེ་བ་མེད་པ་དང་། འཇིག་པ་མེད་པ་དང་། དབྱིབས་མེད་པ
186b6 དང་། ཁ་དོག་མེད་པ་དང་། འདུས་མ་བྱས་པ་དང་། གཟུང་བ་མེད་པ་དང་། འཛིན་པ་མེད་པ་དང་། མཐའ་མེད་པ་དང་། དབུས་མེད་པ་དང་། འཕེལ་བ་མེད་པ་དང་། འགྲིབ་པ་མེད་པ་དང་། འགྲོ་བ་མེད་པ་དང་།
iiif viewer powered by OpenSeadragon
