| e-texts navigator |
| Wylie |
186a1 དང་།། གང་ནས་གང་དུ་ངེས་པར་འབྱུང་བ་མེད་པའོ།། ལང་ཀའི་བདག་པོ་དེ་ལ་གང་ཐོས་པས་ངེས་པར་འབྱུང་བ་ནི། ཀུན་གྱི་རང་བཞིན་དེ་བཞིན་ཉིད།། གང་གིས་ཐོས་པ་དེ་ཉིད་དུ།། དངོས་པོ་མེད
186a2 པར་ཀུན་ཁྱབ་རྒྱས།། དེ་ཤེས་དེ་བཞིན་ཉིད་དུ་ཆུབ།། ལང་ཀའི་བདག་པོ་གང་གིས་མཐོང་བ་ངེས་པར་འབྱུང་བ་ནི་འདི་ལྟ་སྟེ། གང་གིས་དེ་བཞིན་དེ་མཐོང་ན། མཐོང་བས་སྣང་སྲིད་ཡོངས་སུ་དག། གང་ལའང་ཉམ
186a3 ང་ཡོད་མ་ཡིན།། དེ་བཞིན་ཉིད་དེར་ཀུན་སངས་རྒྱས།། ལང་ཀའི་བདག་པོ་གང་གིས་མངོན་སུམ་པར་ངེས་པར་འབྱུང་བ་ནི་འདི་ལྟ་སྟེ། གང་གིས་སྟོང་ཉིད་དེ་ཤེས་པ།། དེར་ནི་ཐམས་ཅད་མངོན་སུམ་དུ།། སྟོང་པ
186a4 ཉིད་དུ་ངེས་པར་ཟད།། དེ་ཉིད་མངོན་སུམ་སངས་རྒྱས་ཡིན།། ལང་ཀའི་བདག་པོ་གང་ནས་གང་དུ་ངེས་པར་འབྱུང་བ་མེད་པ་ནི་འདི་ལྟ་སྟེ། ཐམས་ཅད་དེ་བཞིན་ཉིད་དབྱིངས་སུ།། ཡེ་ནས་རྣམ་རྟོག་མེད་སངས
186a5 རྒྱས།། གདོད་སངས་རྒྱས་སུ་ག་ལ་ཡོད།། དེ་བཞིན་དེ་ཉིད་ཁོ་ནའོ།། ལང་ཀའི་བདག་པོ་དེ་དག་ནི་མདོ་སྟེ། གང་གིས་གང་ལ་གང་ལྟར་བརྗོད་པ་མཐའ་ཡས་པ་མདོ་བཞི་པོ་དེ་དག་འབའ་ཞིག་ཁོ་ནར་ཟད་དོ།།
186a6 དག་ནི་གང་གི་མདུད་པ་རྣམ་པར་འགྲོལ་བ་སྟེ། ཆོས་ཐམས་ཅད་རྣམ་པར་གྲོལ་ཅིང་རྒྱ་ཆེར་འགྲེལ་པ་ཉིད་དུ་ཞེས་པར་བྱའོ།། གསང་བ་པའི་བདག་པོས་དེ་སྐད་ཅེས་སྨྲས་པས་དམན་པའི་ལུས་ཀྱི་སེམས་དཔའ
iiif viewer powered by OpenSeadragon
