| e-texts navigator |
| Wylie |
185b1 སྤྱོད་མཐུན་རྫས།། རང་བཞིན་རྣམ་པར་ལྔར་སྣང་བའོ།། གང་མཁས་ཆེ་དང་མ་ཡས་ཡངས།། སྐྱུར་དང་རླབས་ཆེན་ཅིར་སྟོན་དང་།། ཀུན་ཤོང་ཀུན་སྤྱོད་བདེར་འཇུག་པའོ།། བཅོམ་དང་ཞི་དང་མཐའ་རྒས་དང་།།
185b2 ཆུབ་པར་འདུས་པ་ལས་བཞིའོ།། གང་དུ་སྦྱོར་བའི་ཡན་ལག་འདིས།། ཡན་ལག་ཐམས་ཅད་རྫོགས་པ་ཡིན།། ལང་ཀའི་བདག་པོ་དེ་དག་ནི་ཡན་ལག་ཡིན་ཏེ། ཡན་ལག་དེས་གང་ལྟར་བརྗོད་པ་ཐམས་ཅད་རྣམ་པར
185b3 འབྱེད་པར་ཤེས་པར་བྱའོ།། དེ་སྐད་ཅེས་གསང་བ་པའི་བདག་པོས་སྨྲས་པས།། དམན་པའི་ལུས་ཀྱི་སེམས་དཔའ་རྣམས་ཆོས་ཐམས་ཅད་ཁོང་དུ་ཡོངས་སུ་ཆུད་པར་གྱུར་ཏོ།། སངས་རྒྱས་ཀུན་གྱི་དགོངས་པ་འདུས
185b4 པའི་མདོ་ཆེན་པོ་ལས་འཇུག་པ་ཐབས་ཀྱི་ཡན་ལག་ལས་ཐབས་རྣམ་པར་འགྲེལ་པའི་ལེའུ་སྟེ་ལྔ་བཅུ་གཉིས་པའོ།། །། དེ་ནས་ཡང་ལང་ཀའི་བདག་པོས་གསང་བ་པའི་བདག་པོ་ལ་དྲིས་པ། ཀྱེ་གསང་བ་པའི
185b5 བདག་པོ་མདོ་ཡོངས་སུ་དགྲོལ་བ་ཞེས་བགྱི་བ་ཇི་ལྟར་ལགས། དེ་སྐད་ཅེས་དྲིས་པ་ལས་གསང་བ་པའི་བདག་པོས་སྨྲས་པ། ལང་ཀའི་བདག་པོ་མདོ་འདི་ནི་འདི་ལྟར་གང་དུ་གང་ལྟར་བརྗོད་པ་ཐམས་ཅད་མདོ
185b6 བཞི་པོ་འདི་དག་ཁོ་ནར་ཟད་དོ།། ལང་ཀའི་བདག་པོ་བཞི་གང་ཞེ་ན། འདི་ལྟ་སྟེ། གང་ཐོས་པས་ངེས་པར་འབྱུང་བ་དང་།། གང་གིས་མཐོང་བས་ངེས་པར་འབྱུང་བ་དང་།། གང་གིས་མངོན་སུམ་པར་འབྱུང་བ
iiif viewer powered by OpenSeadragon
