| e-texts navigator |
| Wylie |
184b1 ཞེས་གསང་བ་པའི་བདག་པོས་དེ་སྐད་ཅེས་སྨྲས་པས།། ལང་ཀའི་བདག་པོ་ལ་སོགས་པ་དམན་པའི་ལུས་ཀྱི་སེམས་དཔའ་རྣམས་ཆོས་ཐམས་ཅད་ལ་གང་དུ་སྨྲ་བའི་སྒོ་ཡོངས་སུ་འབྱེད་པར་གྱུར་ཏོ།། སངས་རྒྱས
184b2 ཀུན་གྱི་དགོངས་པ་འདུས་པའི་མདོ་ཆེན་པོ་ལས་ཡོངས་སུ་འདྲེན་པའི་ཡན་ལག་རྣམ་པར་བགྲོས་པའི་ལེའུ་སྟེ་ལྔ་བཅུའོ།། །། དེ་ནས་ཡང་གསང་བ་པའི་བདག་པོ་དེས་སེམས་དཔའ་ཆེན་པོ་ལང་ཀའི་བདག་པོ་དེ
184b3 ལ་ངེས་པར་བོས་ཏེ་རྣམ་པར་སྨྲས་པ། ལང་ཀའི་བདག་པོ་འདི་ལྟ་སྟེ།། གང་དུ་ངེས་པའི་ཡན་ལག་ནི།། གང་ལ་གང་གིས་གང་བརྗོད་པ།། འབྲེལ་བཞི་བཤད་སྦྱོར་བརྗོད་པའི་སྒོ།། ཡོངས་སུ་དག་པ་ལྷ་ངེ་བའི།།
184b4 གང་ལ་སྤྱན་རས་གཟིགས་དབང་གིས།། མཐའ་ཐུག་མེད་པའི་འགྲོ་གང་དག། འདི་ན་སྣོད་བཞི་ཁོ་ནར་གཟིགས།། ཞེན་ཆགས་ཅན་དང་ལོག་སྲེད་ཅན།། རིགས་རྒྱུན་ཅན་དང་བློ་གྲོས་ཅན།། ཐམས་ཅད་ཆ་བཞིར
184b5 སྣང་བ་སྟེ།། འདོད་ཁྲིད་སྦྱོར་དང་ངེས་པར་སྣང་།། དེ་དག་རེས་འགའ་ཆ་བཞི་སྟེ།། གང་དུ་དགོས་པ་གང་ངེས་པ།། ངོ་བོ་དམིགས་དང་བཅས་པ་ལས།། བཀའ་དོན་གཏན་ཚིགས་རིགས་པ་བཞིར།། སྣང་དང་མི
184b6 འགལ་རྒྱས་མཐད་སྦྱར།། ཐམས་ཅད་མེད་རྒྱུ་བརྟགས་ཆགས་པ།། བསྒྲུབས་འགྲུབ་ཇི་ལྟར་བལྟས་པར་སྣང་།། གང་དག་གང་ལ་བརྡ་ཕྲད་པས།། གང་གི་དོན་ལེན་ཉིད་དུ་ངེས།། ཞེས་ངེས་པ་དམ་པ་ཉིད་དུ་བགྲོས
iiif viewer powered by OpenSeadragon
