| e-texts navigator |
| Wylie |
184a1 ཁམས་མང་པོ་ཆུད་པ་ལྟར།། བརྗོད་པའི་རྣམ་གྲངས་མང་པོ་ཀུན།། གང་གི་ངོ་བོ་གཅིག་ཏུ་སྡུད།། གང་དང་གང་ལྟར་འགྲོ་བ་དག། དྲང་པོར་འབྲེལ་རྗེས་གནོན་པར་སྣང་།། བརྗོད་དང་བརྗོད་པའི
184a2 ཚིག་མཚམས་དག། གང་འདིར་མི་འཁྲུགས་འབྲེལ་བར་སྦྱོང་།། གང་འགྲོ་གནས་སུ་བགྲོད་པ་ནི།། གཡོ་འགུལ་མི་མངོན་ཤུགས་ཀྱིས་འགྲོ།། ཡི་གེ་བརྗོད་དང་རང་གཉེར་གྱིས།། གང་གི་ངོ་བོ་དེ་བཞིན་སྦྱོར།། གང
184a3 ཞིག་གང་ལྟར་གང་འགྲོ་བ།། མི་འཚམ་པ་ལ་དེར་འཚམ་སྣང་།། བརླང་པོ་ཞེར་འདེབས་སྐྱོན་ཚིག་རྣམས།། གང་མི་འཚམ་པར་དེར་འཚམ་སྦྱོར།། གང་དག་ཡིད་ལ་བཏགས་པའི་ཟས།། ཁོང་ནས་འདོད་པའི་བཅུད
184a4 འབྱིན་བྱེད།། གང་དུ་དམིགས་སུ་འཛིན་པ་ཡིས།། གང་མི་གསལ་བར་མངོན་པར་སྟོན།། ཇི་ལྟར་སྒྲ་བརྙན་རྒྱུན་བྱུང་ན། གང་སྐྱེས་དུས་སུ་ཡིད་ཆེས་འགྱུར།། དེ་བཞིན་ཚད་མའི་ཡུལ་བྱུང་ན།། མ་བཅོས་དེ་ཉིད་ཡིན
184a5 པར་ངེས།། གང་འདིར་དག་པའི་མེ་ལོང་གིས།། བཞིན་དང་གཟུགས་བརྙན་སྟོན་པ་ལྟར།། ཉེ་བར་མཚོན་པའི་མེ་ལོང་གིས།། གང་མི་མཐོང་བ་གསལ་བར་བྱེད།། ཇི་ལྟར་སྣརེལ་ཞི་འཆོལ་འཁྲུགས་པ།། སྣོལ
184a6 མཚམས་འཕེལ་སྡུད་འཆོལ་མཚམས་སྦྱོར།། རྩལ་ཆེན་རོལ་པའི་སྟོབས་ཆེན་ལྟར།། དེ་ཉིད་རིག་པ་ཉིད་དུ་སྦྱོར།། ལང་ཀའི་བདག་པོ་དེ་དག་ནི།། གང་སྒྲ་བརྗོད་དུ་འདྲེན་པ་ཡི།། ཡན་ལག་ཁོ་ནར་ཤེས་པར་གྱིས།།
iiif viewer powered by OpenSeadragon
