| e-texts navigator |
| Wylie |
183b1 ཀྱི་སེམས་དཔའ་རྣམས་ཀྱིས་ཀྱང་དགོས་འབྲེལ་ཡན་ལག་བཞིའི་སྒོ་ནས་ཆོས་ཐམས་ཅད་ཡོངས་སུ་ཆུབ་པར་གྱུར་ཏོ།། སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་འབྲེལ་པ་དགོས་ཆེད་ཀྱི་ཡན
183b2 ལག་བསྟན་པའི་ལེའུ་སྟེ་བཞི་བཅུ་དགུ་པའོ།། །། དེ་ནས་ཡང་གསང་བའི་བདག་པོས་ལང་ཀའི་བདག་པོ་ལ་བོས་ཏེ་སྨྲས་པ། ལང་ཀའི་བདག་པོ་དེ་ལ་འདྲེན་པའི་ཡན་ལག་གང་ཞེ་ན། གག་ལས་གང་དུ་ཡོངས
183b3 སུ་འདྲེན་པ་སྟེ། དེ་ཡང་འདི་ལྟར་བགྲོ་བ་རྣམ་པར་ཡོངས་སུ་བགྲོ་བར་བྱའོ།། ལང་ཀའི་བདག་པོ་འདི་ལྟ་སྟེ། ཡོངས་སུ་འདྲེན་པའི་ཡན་ལག་ནི།། བཅུ་ཕྲག་གཅིག་གི་འདྲེན་པས་ནི།། སྒྲ་བརྗོད་ཚིག་གི་ཡན་ལག
183b4 རྫོགས།། གང་ལ་ལྟ་དང་སྒོ་འབྱེད་དང་།། སྡུད་དང་འབྱོར་པར་འདྲེན་པ་དང་།། རྐྱེན་དང་གཞན་དམིགས་འཛིན་པའི་ཚིག། མ་བཅོས་མེ་ལོང་སྣརེལ་ཞི་རྣམས།། མེ་ལོང་བཅུ་དང་མཐུན་སྦྱར་བས།། ཚིག་དོན་རྣམ
183b5 པར་སྦྱར་བ་ཡིན།། ལང་ཀའི་བདག་པོ་འདི་ལྟ་སྟེ།། གང་ལ་ལྷ་དང་ལྟ་བ་ནི།། གང་འདིར་མཁའ་ལ་འགྲོ་བ་ནི།། རྩལ་གྱིས་ནམ་འཕང་རླབས་སུ་གཅོད།། དེ་བཞིན་དེ་ཉིད་འདིར་འགྲོ་བ།། མ་འདྲེས་ལྟར་འཕངས
183b6 རླབས་སུ་གཅོད།། བགྲོད་པར་བྱ་བའི་ས་ཚིག་དག། རྩལ་ཚད་དག་གི་ཚད་དུ་གཅོད།། དེ་བཞིན་དོན་དང་ཚིག་མཚམས་དག། དོན་གྱི་ཚིགས་དང་ཚོམས་སུ་གཅོད།། ཇི་ལྟར་གང་གི་ཁོབས་འོག་ཏུ།། ས
iiif viewer powered by OpenSeadragon
