| e-texts navigator |
| Wylie |
183a1 ནི་སྙིང་པོར་བཤད།། སྙིང་པོ་དོན་དེ་གང་ཡིན་པ། ཚིག་ཏུ་སྨྲ་བར་ཡོད་མ་ཡིན། སྤྲོས་པ་ཉིད་ལ་གོལ་བ་ཞེས། རྒྱལ་བ་རྣམས་ཀྱིས་ཡང་དག་བཤད།། དེ་བས་རྡོ་རྗེ་རྒྱལ་པོ་ཉིད།། བཀའ་མ་རྩལ་བའི
183a2 དགོངས་པའོ།། དགོངས་པའི་དོན་རྣམས་གང་འབྱིན་པ། ཇི་ལྟར་མེ་ལོང་གཟུགས་བརྙན་ལྟར།། དགོངས་དོན་རིག་ལ་སྣང་གྱུར་པ།། མ་སྐྱེས་སྙིང་པོའི་དོན་གྱིས་ན།། ཚིག་ཏུ་སྤྲོས་པ་མ་ཡིན་ནའང་། མཚན་མ་ཞིག
183a3 གི་རྣལ་འབྱོར་པ།། ཚིག་ལ་ཞི་བ་ལ་དོན་ལ་རྩིང་། ཚིག་ཕྱིར་བློ་འབྲེལ་རྩལ་ཞན་རྣམས།། བཀྲི་བས་བསམ་པར་རངས་བྱའི་ཕྱིར།། མི་དམིགས་པ་ལས་དམིགས་པ་ཡི།། ཆོ་འཕྲུལ་ཚིག་གིས་དེ་མཚོན་དགོས།།
183a4 བདེར་གཤེགས་རྒྱལ་བ་ཀུན་གྱི་ཐུགས།། གསང་བ་དེ་ཉིད་སྙིང་པོའི་དོན།། མཉམ་ཉིད་བྱང་ཆུབ་ཐེག་ཆེན་པོ།། གསལ་བར་ཀུན་ལ་ཁྱབ་སྣང་བའི།། ཀུན་གྱིས་དེ་ཉིད་མཐོང་བྱ་དགོས།། ང་ནི་དུས་གསུམ་བཞུགས
183a5 པ་ཡི།། རྒྱལ་བ་ཀུན་གྱི་སྙིང་པོ་སྟེ། སྟོང་པར་སྦས་པའི་དོན་འདི་ལ། བརྡ་དང་དཔེས་མཚོན་ལྡེ་མིག་གིས།། མཉམ་ཉིད་རིགས་པའི་སྒོ་དབྱེའོ།། སྦས་པའི་དོན་མཚོན་འབྱུང་བའི་རིགས།། མ་མཐོང་རྣམས་ལ་བསྟན
183a6 པར་བཤད།། དེ་མཐོང་དེ་བཞིན་ཉིད་དུ་འཐད།། ཅེས་གསང་བའི་བདག་པོ་དེ་ཆོས་ཐམས་ཅད་དགོས་འབྲེལ་ཡན་ལག་བཞིར་འདུས་པར་གོ་ཆ་བགོས་སོ།། དེ་ནས་ལང་ཀའི་བདག་པོ་ལ་སོགས་པ་དམན་པའི་ལུས
iiif viewer powered by OpenSeadragon
