| e-texts navigator |
| Wylie |
182b1 ཐམས་ཅད་ཀྱི་ཡབ་ཏུ་གྱུར་པ་ཡིན་ཏེ། དེ་འདྲའོ་ཞེས་ཁོ་བོ་ལ་བསྔགས་པ་བརྗོད་པ་བཀའ་སྩལ་པ་ལས། འདུས་པའི་ཚོགས་འཁོར་ཐམས་ཅད་ངོ་མཚར་དུ་གྱུར་ཏེ། གསོལ་པ། བཅོམ་ལྡན་འདས་དེ་ནི་འདི་ལྟར་ངོ
182b2 མཚར་ལགས་སོ།། བདེ་བར་གཤེགས་པ་དེ་ནི་འདི་ལྟར་ངོ་མཚར་ལགས་སོ་ཞེས་གསོལ་ཏོ།། སེམས་དཔའ་རྡོ་རྗེ་དམ་པ་དེ་ལ་ལོགས་སུ་བཏུད་ནས་ལུས་ཀྱི་བབ་བཞི་ས་ལ་ཕབ་པའི་ཕྱག་རྣལ་འབྱོར་གྱི་ལུགས་སུ
182b3 བྱས་ནས་རྨད་དུ་བྱུང་བའི་མེ་ཏོག་དང་། ཏིང་ངེ་འཛིན་གྱི་མཆོད་པ་སྣ་ཚོགས་བྱས་ཏེ། འདི་ལྟར་རྨད་འབྱུང་ངོ་མཚར་ཁྱོད།། སངས་རྒྱས་ཐུགས་ལས་རྒྱལ་སྐྱེས་པ།། ཇི་ལྟར་ཞིང་འདིར་སྣང་ཞིག་གུ།། རྣལ་འབྱོར
182b4 ཡང་གྱུར་རྒྱལ་བའི་སྲས།། རང་བཞིན་ཀུན་དང་གཅིག་འབྲེལ་བའི།། བཀའ་ཡི་འཁོར་ལོ་རབ་བསྐོར་བས།། རྣམ་དག་ལམ་མཆོག་དམ་པ་དག། ཚིག་གི་མཚོན་ཏེ་གསལ་བར་མཛོད།། ཨ་ཧོ་ཞེས་གསོལ་བ་བཏབ
182b5 བོཔོ།། ལང་ཀའི་བདག་པོ་དེ་ནས་དམ་པ་རྡོ་རྗེ་བདག་གིས་རྡོ་རྗེ་བསྐོར་ཏེ་བསྒྱུར་ནས་བརྗིད་བག་ཏུ་རྡོ་རྗེ་ཚིག་ཏུ་སྨྲས་པ། ཨོཾ་ཧཱུཾ་མུཾ་ཨ་ཧོ། རྒྱལ་བའི་སྲས་པོ་ཅང་མི་གསུང་།། མི་གསུང་བས་ན་རྒྱ་ཅེར་བཤད།། བཤད
182b6 དུ་མེད་པའི་ཆོས་ཉིད་འདི།། རྒྱལ་བ་རྣམས་ཀྱིས་མ་བཤད་དེ།། དེ་ལྟར་སྟོན་པ་རྒྱལ་མཆོག་ཀྱང་།། རྣམ་པར་བཤད་པར་མི་བཞེད་དེ།། རྒྱ་ཆེར་བཤད་པ་དགོངས་པའོ།། སྐྱེ་བ་མེད་པའི་ཆོས་ཉིད་ནི།། མ་སྐྱེས་པས
iiif viewer powered by OpenSeadragon
