| e-texts navigator |
| Wylie |
181b1 དང་ལྡན་པ་ཆེན་པོར་གྱུར་ཏོ།། དེ་ནས་བདག་སེམས་དཔའ་རྡོ་རྗེ་དེས་ལས་ཀྱི་མཚན་མ་དེ་ལག་དུ་བླངས་ནས་རྡོ་རྗེ་ཚིག་སྣ་ཚོགས་ཀྱི་ལན་ལྔ་སྟེ། རྣམ་པ་བཅུ་གཉིས་སུ་བསྐོར་ནས། གྲངས་གཉིས་དང་ལྔར་བསྒྱུར
181b2 བས་ཞིང་ཁམས་མཐའ་རྣམ་པར་དག་པར་གཡོས་ཏེ། གཡོས་རབ་ཏུ་གཡོས། ཀུན་ཏུ་རབ་ཏུ་གཡོས། འགུལ་རབ་ཏུ་འགུལ། ཀུན་ཏུ་རབ་ཏུ་འགུལ། ལྡེག་རབ་ཏུ་ལྡེག་ཀུན་ཏུ་རབ་ཏུ་ལྡེག་འཁྲུགས་རབ་ཏུ
181b3 འཁྲུགས། ཀུན་དུ་རབ་ཏུ་འཁྲུགས། འུར་རབ་ཏུ་འུར། ཀུན་ཏུ་རབ་ཏུ་འུར། ཆེམ་རབ་ཏུ་ཆེམ། ཀུན་ཏུ་རབ་ཏུ་ཆེམ། མཐའ་མཐོ་ན་ནི་དབུས་དམའ། དབུས་མཐོ་ན་ནི་མཐའ་དམའ། ཤར་མཐོ་ན་ནི་ནུབ་མཐའ། ནུབ
181b4 མཐོ་ན་ན་ནི་ཤར་དམའ། ལྷོ་མཐོ་ན་ནི་བྱང་དམའ། བྱང་མཐོ་ན་ནི་ལྷོ་དམའ་བར་གྱུར་ཏེ། ཞིང་ཁམས་ཐམས་ཅད་བདག་རྡོ་རྗེ་སེམས་དཔའ་ཤ་དག་ལྟ་བུར་གྱུར་ནས་གསང་སྔགས་ཀྱི་ངོ་བོ་ཉིད་ཕྱིན་ཅི་མ་ལོག་པའི
181b5 ཚུལ་གྱིས་རྒྱ་ཆེར་བརྗོད་པའི་སྒྲ་རྣམ་པར་བརྗོད་དོ།། བདག་སེམས་དཔའ་རྡོ་རྗེ་ཉིད་རྣམ་པར་རྔམ་པའི་ཚུལ་གྱིས་སྟོན་པའི་མདུན་ལོགས་སུ་སེང་གེ་རྡོ་རྗེས་མཚོན་པའི་ཁྲི་ལ་འགྱིང་བག་གི་ཚུལ་གྱི་རྣམ་པར་གནས
181b6 སོ།། དེ་ནས་འདུས་པའི་ཚོགས་འཁོར་ཕལ་མོ་ཆེ་རྣམས་ཀྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། ཨེ་མའོ་བཅོམ་ལྡན་འདས་སེམས་དཔའ་རྡོ་རྗེ་འདི་ནི་འདི་ལྟར་མཐུ་ཆེ་བ། འདི་ལྟར་བྱིན་གྱིས་བརླབས
iiif viewer powered by OpenSeadragon
