| e-texts navigator |
| Wylie |
180b1 བཞེངས་ནས་སེང་གེ་རྣམ་པར་རྒྱལ་བའི་སྒྲ་ལྟ་བུས། དོན་གྱི་བཀོད་པ། རྟག་ཀྱི་རོལ་པ། གསང་བའི་ངེས་པ། བཀའི་འགྲེལ་པ། ཆོས་ཀྱི་མེ་ལོང་། གཏན་ཚིགས་ཀྱི་འབྱུང་གནས། དགོངས་པ་ཀུན་འདུས་རྡོ་རྗེ་རྣམ
180b2 པར་བསྒྱིངས་པའི་གཞུང་ཆེན་པོའི་སྒྲ་འདི་བྱུང་ངོ་།། ཨོཾ་ཧཱུཾ་མུཾ་ཞེས་གསུངས་ནས་ཅང་མི་གསུང་། རབ་ཏུ་མི་གསུང་། གསུངས་པ་མི་འགོག། འགོག་པ་མ་ཡིན།། མ་གསུངས་པ་ཉིད་ན་རྒྱ་ཆེར་བཤད་པའི་ངོ་བོར
180b3 བཞུགས་སོ།། ལང་ཀའི་བདག་པོ་དེ་དག་ནི་རྩ་བ་སྦྱོར་བའི་ཡན་ལག་ཅེས་བྱའོ།། སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་རྩ་བ་སྦྱོང་བའི་ཡན་ལག་བསྟན་པའི་ལེའུ་སྟེ་བཞི་བཅུ་བརྒྱད
180b4 པའོ།། །། ལང་ཀའི་བདག་པོ་དེ་ལ་འབྲེལ་བའི་ཡན་ལག་གང་ཞེ་ན། གང་དང་གང་དག་ཏུ་འབྲེལ་བ་སྟེ། དེ་ནི་འདི་ལྟར་ཆེད་དུ་འགྲོ་བ་ཆེད་དུ་བརྗོད་པར་བྱའོ།། ལང་ཀའི་བདག་པོ་ནས་བདག་དེའི་ཚེ་དེའི
180b5 དུས་ན་དམ་ཚིག་ཆེན་པོ་རྡོ་རྗེ་སེམས་དཔར་གྱུར་པ་ལ། བཅོམ་ལྡན་འདས་གསང་བ་མཆོག་གི་བདག་པོ་དེས་ཐེག་པ་ཆེན་པོ་གསང་བའི་དོན་བདག་ཉིད་ཀྱིས་རྒྱ་ཆེར་ཆེད་དུ་བརྗོད་ཅིག་པར་དགོངས་པའི་ཕྱིར
180b6 བདག་ལ་ཉི་ཚེར་ཞལ་འདུད་པས་གཟིགས་ཏེ། འཛུམ་པས་བསྐུལ་བ་རྣམ་པར་མཛད་དོ།། དེ་ནས་བདག་དམ་ཚིག་ཆེན་པོའི་རྡོ་རྗེ་སེམས་དཔའ་ཞེས་བྱ་བར་སྣང་བ་དེས་ཡང་དག་པར་བསྐུལ་བར་རྣམ་པར་རིག
iiif viewer powered by OpenSeadragon
