| e-texts navigator |
| Wylie |
179b1 ཀླས་པའི་ནམ་མཁའ་ལ་ལ་ཕན་ཚུན་དང་། ཡན་མན་དང་། སྣརེལ་ཞི་ལ་སོགས་པ་ཐམས་ཅད་དུ་ཁྱབ་པར་ལིང་ལོང་ཕྱེད་པར་བྱུང་ངོ་།། རྨད་དུ་བྱུང་བའི་སྐུ་བསམ་གྱིས་མི་ཁྱབ་པའི་འོད་ཟེར་འབར་འཕྲོ་འཁྲུག་ཅིང
179b2 ལིང་ལོང་ཕྱེད་དོ།། རྨད་དུ་བྱུང་བའི་ཐུགས་ཀྱང་ལྷང་ངེ་ལ། རྨད་དུ་བྱུང་བའི་གསུང་བསམ་གྱིས་མི་ཁྱབ་པ་ཡང་ཨ་ཧོ་ཞེས་སྒྲོགས་སོ།། སངས་རྒྱས་དཔག་ཏུ་མེད་པ་ཡང་གསུང་བསམ་གྱིས་མི་ཁྱབ་པའི་སྒྲ་གཅིག་ཏུ
179b3 ཨེ་མའོ་རྨད་བྱུང་རོལ་པའི་ཆོས་ཀྱི་དོན་བྱུང་ངོ་ཞེས་སྒྲོགས། འཁོར་འབུམ་ཕྲག་དང་གདུལ་བྱ་སྣ་ཚོགས་སྤྲོ་བའི་ངོ་མཚར་བསྐྱེད། རིག་པའི་རྩལ་སྦྱངས། དོན་གྱི་ཆེ་བ་ཕྱུང་། ངམ་ཞིང་ངོ་མཚར་བར་གྱུར་ཏེ། ཐམས
179b4 ཅད་ཉེ་བར་གནས་སོ།། ཞི་བར་གནས་སོ།། དགའ་བ་དང་ལྡན་པར་གནས་སོ།། དེ་ནས་གསང་བ་མཆོག་གི་བདག་པོ་དེས་འཁོར་རྣམ་པར་སྦྱོང་བ་རྡོ་རྗེ་རྒྱུན་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས
179b5 ཤངས་ཀྱི་ཧཱུཾ་རིངས་ལས། རྡོ་རྗེ་མངོན་པའི་མཐུ་ཅན་འདི་དག་མངོན་པར་བྱུང་ངོ་།། ཧཱུཾ་ཧཱུཾ་ཧཱུཾ་རྡོ་རྗེ་འདུས་པར་འདུས་པ་ཡི།། ཐེག་ཆེན་དམ་པའི་རིགས་ཅན་རྣམས།། བླ་འོག་རིམ་པ་ཇི་བཞིན་དུ།། རྡོ་རྗེ་གསང་བའི
179b6 གྲལ་བཀོད་དེ།། རིག་མ་ཡིན་པར་རིགས་མེད་འགྱུར།། རིགས་ཅན་རྣམས་ཀྱི་དམ་ཚིག་ནི།། རིགས་མེད་རྣམས་ལ་འབབ་མི་འགྱུར།། དེ་ལས་འདས་ན་དེ་རླག་བྱེད། ཧཱུཾ་ཀྲོ་དྷ་ཛ་ས་མ་ཡ། རཀྵ་ཤ་ཀ་ཛ་ལ་ས་མ་ཡ།
iiif viewer powered by OpenSeadragon
