| e-texts navigator |
| Wylie |
179a1 བསྔལ་དྲ་བས་བཅིངས་པ་ཐབས་ཀྱིས་ཁྲོལ།། མ་རིག་མུན་པས་ལོང་བ་དོན་གྱིས་ཕྱེ། འཁོར་བའི་རྒྱ་མཚོ་རོལ་པའི་གྲུ་ཡིས་སྒྲོལ། དེ་བཞིན་གཤེགས་པ་ཀུན་གྱི་ཐུགས་ཆེན་པོ། ཡེ་ཤེས་དོན་གྱི་སྙིང
179a2 པོ་མཆོག་དང་ལྡན།། རྣལ་འབྱོར་ཐེག་ཆེན་རྡོ་རྗེ་ཀུན་འདུས་ལུང་།། འདུས་པའི་ཚོགས་ལ་རྒྱ་ཆེར་བཤད་དུ་གསོལ།། ཨ་ཧོ་ཞེས་ངེས་པར་བདུད་དེ་གསོལ་བ་བཏབ་བོ།། དེ་ནས་བཅོམ་ལྡན་འདས་གསང་བ་མཆོག
179a3 གི་བདག་པོ་དེ་རྡོ་རྗེ་རོལ་པ་དེ་ཁོ་ན་ཉིད་ཀྱི་གླུ་དེས་གསོལ་བ་བཏབ་པས་འཁོར་ཐམས་ཅད་ས་གཟིགས་ཏེ་འཛུམ་པ་མཛད་པས། ཐུགས་རྣམ་པར་དག་པའོ་ཀློང་ནས་རིག་པའི་ཉི་མ་བརྗོད་ཀྱིས་མི་ལང་བའི་ཡང་མི
179a4 ལང་བ་འོད་ཟེར་འབྱམ་ཀླས་པ་ཀུན་ནས་ཀུན་ཏུ་ཁྱབ་པར་མཛད་དོ།། འོད་ཟེར་དེ་དག་རེ་རེ་ལས་རྡོ་རྗེ་གནོད་སྦྱིན་དང་། རྡོ་རྗེ་སྲིན་པོ་ལྟ་བུའི་གཟུགས་སྣ་ཚོགས་འབྱུང་ངོ་།། དེ་དག་རེ་རེ་ལས་ཀྱང་སངས་རྒྱས
179a5 འབུམ་ཕྲག་དཔག་ཏུ་མེད་པ་འཁོར་སོ་སོའི་ཞམ་རིང་དང་བཅས་པ་ཞིང་ཁམས་མཐའ་ཡས་པར་ཁྱབ་ཅིང་སྣང་བར་གྱུར་ཏོ།། དེ་ལས་རིག་པའི་ཉི་མའི་འོད་ནམ་མཁའི་ཁམས་ཁྱབ་པར་བྱུང་བས་མུན་པ་མུན་ནག
179a6 སྨག་ཏུ་གྱུར་པ་ཐམས་ཅད་ཡང་དག་པར་བསལ་ལོ།། རིག་པའི་ཆོས་ཀྱི་འབྲུག་སྒྲ་དང་། ཆོས་ཀྱི་ཆར་དང་། ཆོས་ཀྱི་གླུ་སྣ་ཚོགས་དང་། ཆོས་ཀྱི་གར་སྣ་ཚོགས་དང་། ཆོས་ཀྱི་མཆོད་པ་སྣ་ཚོགས་འབྱུང་སྟེ། འབྱམ
iiif viewer powered by OpenSeadragon
