| e-texts navigator |
| Wylie |
177a1 དུ་སྣང་བ་ཡང་མེད་དོ།། གཅིག་དང་ཐ་དད་པའི་ངོ་བོ་ལས་ཀྱང་གྲོལ་ལ།། ལྷན་ནེ་ལྷམ་མེ་ལྷག་གེར་ཀུན་ནས་ཀུན་ཏུ་སྣང་ངོ་།། དེའི་ཚེ་དེའི་དུས་ན་མི་ཆེན་པོ་སྤྱོད་ཡུལ་ཐབས་ཀྱིས་ཐེག་པ་ཆེན་པོ
177a2 གསང་བའི་སྙིང་པོ་འདི་སྐུ་བཞི་རྣམ་པར་སྣང་བ་ལ་ཟོས་པ་ཕྱི་ཅི་མ་ལོག་པའི་དོན་རྒྱལ་བའི་སྲས་དག་ལ་དེ་ཁོ་ན་ཉིད་ལྟར་བགྲོ་བ་ནི་འདི་ལྟ་སྟེ། དེ་བཞིན་གཤེགས་པ་ཐམས་ཅད་ཆོས་ཐམས་ཅད་དགོངས་པ
177a3 མཉམ་པ་ཉིད་ལ་ཤར་བར་མཁྱེན་ནས་སྐུ་མཉམ་པ་ཉིད་མི་དམིགས་པ་ཞེས་བྱ་བའི་ངག་ལ་རྣམ་པར་བཞུགས་སོ།། གསུང་མཉམ་པ་ཉིད་མི་དམིགས་པ་ཞེས་བྱ་བའི་ངང་ལ་རྣམ་པར་བཞུགས་སོ།། ཐུགས་མཉམ་པ
177a4 ཉིད་མི་དམིགས་པ་ཞེས་བྱ་བའི་ངང་ལ་རྣམ་པར་བཞུགས་ཏེ། འཇུག་པའམ། ལྡོག་པའམ། རྣམ་པར་ལྡོག་པ་མི་དམིགས་སོ།། ལང་ཀའི་བདག་པོ་གཉིས་ནི་གང་བྱུང་བརྗོད་པ་གཉིས་ཉིད་དོ།། ལང་ཀའི་བདག་པོ
177a5 དེ་དག་ནི་རྒྱུའི་ཡན་ལག་ཅེས་བྱའོ།། སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་གླེང་གཞི་ཕུན་སུམ་ཚོགས་པ་བསྟན་པའི་ལེའུ་སྟེ་བཞི་བཅུ་བདུན་པའོ།། །། ལང་ཀའི་བདག་པོ་རྩ་བའི་ཡན
177a6 ལག་གང་ཞེ་ན། འདི་ལྟ་སྟེ། བརྗོད་པ་འབྱུང་བའི་རྩ་བ་གང་གིས་གང་གླེང་བསླང་བ་གང་ཡིན་པ་ལ་བྱ་སྟེ། འདི་ལྟར་དེ་ནས་དེ་བཞིན་གཤེགས་པ་དེ་དག་དབྱིངས་ཀྱི་ངང་ལ་མི་གཡོ་བར་མནལ་བཞིན་དུ་སངས
iiif viewer powered by OpenSeadragon
