| e-texts navigator |
| Wylie |
175b1 ཡོངས་སུ་མ་ཅད་པ།། ཉི་ཟླའི་གའུ་སུམ་བརྒྱུད་ཟུང་སྒྲིལ་དུ་འབར།། ཐེམ་སྐས་དག་རྟ་བབས་ཀྱིས་བརྒྱན་པ། གྲུ་ཆད་བཞིས་བརྒྱན་པ། བར་ཁྱམས་ཀྱི་མཛེས་པ། ཧ་ར་དང་། ཧ་ར་ཆེན་པོས་བརྒྱན་པ། ཏཱ་ར་ན
175b2 ཡིས་བཟུང་བ། ཕྲེང་བས་མཛེས་པ། དྲ་བ་དང་དྲ་བ་ཕྱེད་པས་བརྒྱན་པ། ཟ་ར་ཚགས་ཀྱིས་བཀླུབས་པ། རྡོ་རྗེ་རིན་པོ་ཆེ་འབར་བས་ཀུན་དུ་མདངས་ཕྱུང་བ། དྲིལ་བུ་གཡེར་ཀ་ལས་ཐེག་པ་ཆེན་པོ་ཆོས་ཀྱི་སྒྲ་སྒྲོགས
175b3 པ། ཆོས་ཀྱི་སྐུའི་གཟུགས་བརྙན་འབྱུང་བ།། གཞི་ཡོངས་སུ་མཛེས་པའི་རྒྱན་རྡོ་རྗེ་མུ་ཁྱུད་མ་ཆད་པས་རྡོ་རྗེ་འགྲེང་བུ་དང་དྲ་བས་བརྒྱན་པ། ཏ་ལའི་ཤིན་ལྗོན་པ་སྐྱེས་པ་ལ་གསེར་གྱི་ཙོང་ཙོང་བྲེས་པ། རིན་པོ་ཆེའི
175b4 ཕྲ་མིག་གིས་སྤྲས་པ། བདུད་རྩིའི་ཆུ་རྒྱུན་འབབ་པ། ཕྱི་དང་ནང་མེད་ཀུན་ཡང་ནང་དུ་གྱུར་པ་ན། གར་ཡང་མ་འགགས་སྣང་བ་ཆེན་པོ། ཅི་ཡང་མ་གསུངས་རྒྱ་ཆེར་བཤད་པ། གང་ལ་ཡང་མི་དགོངས་ཏིང་ངེ་འཛིན
175b5 ཆེན་པོ་མངའ་ཟང་ཡོངས་སུ་རྫོགས་པའི་རྒྱལ་པོ་དེ་རྫོགས་ལོངས་སྤྱོད་པའི་འཁོར་བརྗོད་ཀྱིས་མི་ལང་བའི་ཡང་མི་ལང་བ་ལ་འདི་ལྟ་སྟེ། དེ་བཞིན་གཤེགས་པ་རྣམ་པར་ཤེས་པའི་རྒྱལ་པོ་མི་བསྐྱོད་པ་ལ་སོགས་པ
175b6 རྡོ་རྗེ་གདུང་དང་། སྡེའི་སངས་རྒྱས་ཐམས་ཅད་དང་། དེ་བཞིན་གཤེགས་པ་ཚོར་བའི་རྒྱལ་པོ་བཏང་སྙོམས་ཆེན་པོ་ལ་སོགས་པ་ནོར་བུའི་གདུང་དང་སྡེའི་སངས་རྒྱས་ཐམས་ཅད་དང་། དེ་བཞིན་གཤེགས་པ་འདུས
iiif viewer powered by OpenSeadragon
