| e-texts navigator |
| Wylie |
173b1 བའི་སྒོ།། ཡན་ལག་མདོ་དང་རྩ་བ་ཡི།། འབྱེད་འགྲོ་ལ་ངེས་པར་འབྱིན་པ་ཡིས།། དེ་ཉིད་ངེས་པར་མཐོང་བའོ།། འབྱེད་པ་རྒྱུ་དང་རྩ་བ་དང་།། འབྲེལ་པའི་ཚིག་དང་ངེས་པ་དང་།། སྦྱོར་བས་ཡན་ལག་རྫོགས་པ
173b2 ཡིན།། བརྗོད་འབྱུང་ཀུན་ལ་ངེས་པར་འགྲོ།། རྒྱུ་བཞི་གང་བྱུང་ཆེད་ཕྱིར་ན།། རྒྱུ་ཡི་ངོ་བོ་བྱིན་གྱིས་བརླབས།། ལུང་བསྟན་ཉིད་དུ་ངེས་པར་སྣང་།། རྩ་བའི་ཡན་ལག་གང་དག་གིས།། མདུན་བསུ་གུས་དང་དྲི་བ་དྲིས།།
173b3 སྐབས་ལས་གླེང་དུ་ལངས་པའོ།། འབྲེལ་བ་ཡན་ལག་རྣམ་པ་བཞི།། རྗོད་དང་བརྗོད་བྱ་འབྲེལ་དགོངས་ལས།། ཐ་མ་གཉིས་བཞིར་འདྲེན་པའོ།། འདྲེན་པ་གང་འདིར་རྣམ་པ་བཅུ།། ལྟ་ཉིད་དེ་བཞིན་སྒོ་འབྱེད་དང་།།
173b4 སྤྱིར་སྡུད་པ་དང་འབྱོར་པར་འདྲེན།། རང་རྐྱེན་ལྡེམ་དགོངས་གལ་པོ་ཉིད།། མ་བཅོས་དེ་ཉིད་མཚོན་པའི་དཔེ།། ཚེ་རོལ་སྣརེལ་ཞི་རྣམ་པ་བཅུ།། མེ་ལོང་བཅུ་དང་རྣམ་སྦྱོར་བས།། སྒྲོན་མས་མུན་པའི་རྫས་ཚོལ་སྦྱར།།
173b5 ངེས་པ་བཞི་བཞི་བཞིར་སྦྱར་བས།། བཅུ་གཉིས་ཡན་ལག་བཞིར་ཀུན་སྣང་།། སྦྱོར་བ་བཞི་པ་ལྔ་གཉིས་བཞི། ཡན་ལག་ལྔར་སྣང་དེ་སྦྱར་ལྔ།། རྟོག་འཇུག་དྲུག་ཅུ་གཅིག་ཐབས་དང་།། ཡན་ལག་དྲུག་ཏུ་རྫོགས
173b6 པའོ།། ལང་ཀའི་བདག་པོ་གང་འདིར་ཡན་ལག་དྲུག་ནི་འདི་ལྟ་སྟེ། རྒྱུའི་ཡན་ལག་དང་། རྩ་བའི་ཡན་ལག་དང་། འབྲེལ་པའི་ཡན་ལག་དང་། འདྲེན་པའི་ཡན་ལག་དང་། ངེས་པའི་ཡན་ལག་དང་། སྦྱོར་བའི
iiif viewer powered by OpenSeadragon
