| e-texts navigator |
| Wylie |
173a1 ཡན་ལག་དང་། རྩ་བའི་ཡན་ལག་དང་། འབྲེལ་བའི་ཡན་ལག་དང་། འདྲེན་པའི་ཡན་ལག་དང་། ངེས་པའི་ཡན་ལག་དང་། སྦྱོར་བའི་ཡན་ལག་གོ། ལང་ཀའི་བདག་པོ་འདི་དག་ནི་གང་ཐམས་ཅད
173a2 ནས་ཐམས་ཅད་དུ་ཐུན་མོང་དུ་ཤེས་པར་བྱའོ།། ལང་ཀའི་བདག་པོ་དེ་དག་ནི་ཡན་ལག་སྟེ། གང་སྒོ་དེ་དག་དེ་དག་གིས་འབྱེད་ཅིང་གསལ་བར་འགྲེལ་པར་ཤེས་པར་བྱའོ།། ལང་ལའི་བདག་པོ་དེ་ལ་མདོ་གང་ཞེ
173a3 ན། འདི་ལྟ་སྟེ། སྐྱེ་བ་མེད་པ་དང་།། མཉམ་པ་ཉིད་དང་། ཇི་བཞིན་པ་དང་། བཙལ་བ་མེད་པར་ལུང་སྟོན་པའོ།། ལང་ཀའི་བདག་པོ་དེ་དག་ནི་གཞན་གྱི་སྐྱེ་བ་མེད་པ་དང་། མཉམ་པ་ཉིད་དང་། ཇི་བཞིན་པ་དང་།
173a4 བཙལ་བ་མེད་པ་དང་། མ་འདྲེས་པ་གང་ཡིན་པ་དེ་ཁོ་ན་ཉིད་དོ།། ལང་ཀའི་དག་པོ་དེ་ལ་རྩ་བ་གང་ཞེ་ན། འདི་ལྟ་སྟེ། དེ་ཁོ་ན་ཉིད་གང་ཡིན་པ་དང་། དམ་པར་ངེས་པ་དང་། ཡོངས་སུ་ཟིན་པའོ།། ལང་ཀའི་བདག
173a5 པོ་དེ་དག་ནི་རྩ་བ་སྟེ། དེས་སྒོ་དེ་དག་གི་ཇི་ལྟ་བ་ངེས་པར་འབྱིན་པར་ཤེས་པར་བྱའོ།། སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་བསྡུ་རྣམ་པར་འགྲེལ་པའི་ལེའུ་སྟེ་བཞི་བཅུ་དྲུག་པའོ།། །། དེ
173a6 ནས་ཡང་གསང་བ་པའི་བདག་པོས་ལང་ཀའི་བདག་པོ་ལ་བོས་ཏེ་སྨྲས་པ། ལང་ཀའི་བདག་པོ་དེ་དག་ལས་ཁྱད་པར་དུ་ངེས་པའི་གསང་སྒོ་ལྡེ་མིག་གསུམ་གྱིས་འབྱེད་པ་ཡང་འདི་ལྟ་སྟེ། དམ་པ་རྣམས་ཀྱི་གསང
iiif viewer powered by OpenSeadragon
