| e-texts navigator |
| Wylie |
170b1 པའོ།། རྣམ་པ་ནི་དབྱེ་བའོ།། བྱང་ཆུབ་ནི་རང་བཞིན་ནོ།། གང་སྤངས་པས་གང་ཐོབ་པ་ནི་འབྲས་བུའོ།། གང་ཆུབ་ཅིང་གང་ལ་བརྗོད་པ་ནི་བསྙད་པའོ།། གང་གི་ཕྱོགས་དང་མི་མཐུན་པ་ནི་བར་དུ་གཅོད་པའོ།། གང
170b2 གི་ཕྱོགས་ལ་ནན་ཏན་དུ་བྱེད་པ་ནི་མཐུན་པའོ།། གང་དང་མི་མཐུན་པའི་དབང་དུ་ཛིན་པ་ནི་ཉེས་དམིགས་སོ།། གང་དུ་མཐུན་པར་ཛིན་པ་ནི་ཡོན་ཏན་ནོ།། ལང་ཀའི་བདག་པོ་དེ་དག་ནི་མཚན་ཉིད་ཀྱི་ཡན་ལག་སྟེ།
170b3 ཡན་ལག་དྲུག་པོ་དེ་དག་ནི་འབྱེད་པའི་ལྡེ་མིག་སྟེ། གང་སྤྱོད་པས་འདྲེན་པའི་སྒོ་གང་ཡིན་པ་དེ་ནི་དེས་འབྱེད་ཅིང་གང་དེ་ཉིད་དུ་དགོངས་པ་ངེས་པར་འགྲེལ་ཏོ།། ལང་ཀའི་བདག་པོ་དེ་ལ་མདོ་བཞི་གང་ཞེ་ན། འདི
170b4 ལྟ་སྟེ། དགོངས་པ་གཞན་གྱི་མདོ་དང་། ལྡེམ་པོར་ངག་གི་མདོ་དང་། མཐུན་འཇུག་སྦྱོར་བའོ་མདོ་དང་། དོན་དམ་ངེས་པའི་མདོའོ།། ལང་ཀའི་བདག་པོ་དེ་ལ་དགོངས་པ་གཞན་པའི་མདོ་འདི་ལྟ་སྟེ། རང་བཞིན
170b5 དང་། དུས་དང་། དོན་དང་། ཡུལ་ལ་དགོངས་པའི་ལང་ཀའི་བདག་པོ་དེ་ལ་རང་བཞིན་ནི་འདི་ལྟར། ཇི་ག་ཁྱད་པར་དུ་སྣང་བ་ལ་གང་དེ་ལྟར་རྟོག་པ་ཞེན་པ་དག་བསལ་བའི་ཕྱིར་རང་བཞིན་ལ་དགོངས་ཏེ།། དེ
170b6 གང་ཡིན་པ་ནི་འདི་ཉིད་དོ་ཞེས་གཅིག་ཏུ་ཞལ་གྱིས་རྩལ་བའོ།། ལང་ཀའི་བདག་པོ་དུས་ནི་འདི་ལྟར་སྒྱིད་ལུག་པ་གང་དག་མངོན་པར་སྤྲོ་བ་བསྐྱེད་པའི་ཕྱིར་གང་གི་རྒྱུ་འབྲས་མི་སླུ་བ་ལ་དགོངས་ཏེ། གྱིན་ད་ཙམ
iiif viewer powered by OpenSeadragon
