| e-texts navigator |
| Wylie |
168a1 བ་ལ་སྦྱོར་བ་དང་། བློ་གྲོས་རྙེད་པའི་རྩ་བ་སའི་ཁྱད་པར་ལ་སྦྱོར་བ་དང་། བློ་གྲོས་ངེས་པའི་རྩ་བ་རྣམ་པ་ཐར་པ་ལ་སྦྱོར་བ་དང་། བློ་གྲོས་གཞག་པའི་རྩ་བ་དེ་ཁོ་ན་ཉིད་ལ་སྦྱོར་བའོ།། ལང་ཀའི
168a2 བདག་པོ་སྙིང་རྗེའི་ཡུལ་ལ་སྦྱོར་བ་ཡང་འདི་སྟེ་སྟེ།། གང་གི་རྒྱུ་ལ་སྦྱོར་བ་དང་། འབྲས་བུ་ལ་སྦྱོར་བ་དང་། དེ་དག་རང་བཞིན་ལ་སྦྱོར་བའོ།། ལང་ཀའི་བདག་པོ་དེ་ལ་འབྲས་བུའི་ཡན་ལག་ནི་གང་དང་འབྲེལ་བའི
168a3 དགོས་ཆེད་དམ་པ་འབྱུང་བ་སྟེ། ཐོབ་པ་དམ་པ་དེ་ཁོ་ན་ཉིད་དོ།། ལང་ཀའི་བདག་པོ་དེ་ལ་དངོས་གཞིའི་ཡན་ལག་ནི་གང་གི་དགོངས་པ་ངེས་པར་འགྲེལ་པ་སྟེ། གང་ཞེ་ན། འདི་ལྟ་སྟེ། གང་ལ་ཆོས་རྣམས་ཀྱི
168a4 དངོས་གཞི་གསུམ་དུ་བསྡུ་བ་སྟེ། གསུམ་གང་ཞེ་ན། རང་བཞིན་གྱི་དངོས་གཞི་དང་། རྩ་བའི་དངོས་གཞི་དང་། ཐམས་ཅད་ཀྱི་དངོས་གཞིའོ།། ལང་ཀའི་བདག་པོ་དེ་ལ་རང་བཞིན་གྱི་དངོས་གཞི་གང་ཞེ་ན། འདི་ལྟ
168a5 སྟེ། ཐོས་པ་དང་། དོང་བ་དང་། གཟུང་བ་དང་། ཆུབ་པའོ།། ལང་ཀའི་བདག་པོ་རྩ་བའི་དངོས་གཞི་གང་ཞེ་ན། འདི་ལྟ་སྟེ། གདགས་པ་དང་། སྤྱོད་པ་དང་། སྐྱེ་བ་དང་། གནས་པ་དང་། བདེ་བ་དང་། ཉོན་མོངས
168a6 པ་དང་། ཡོངས་སུ་བྱང་བ་དང་། སྣ་ཚོགས་དང་། བྱེད་པ་དང་། བྱ་བ་དང་། རྒྱན་ནོ།། ལང་ཀའི་བདག་པོ་ཐམས་ཅད་ཀྱི་དངོས་གཞི་གང་ཞེ་ན།། ཀུན་ནས་ཉོན་མོངས་པ་ལ་སྣང་བ་འདི་ལྟ་སྟེ། བསྡུ་བ་དང་། འཇུག
iiif viewer powered by OpenSeadragon
