| e-texts navigator |
| Wylie |
167b1 པར་བྱའོ།། གསུམ་གང་ཞེ་ན། འདི་ལྟ་སྟེ། འབྱེད་པ་དང་། འགྲོལ་བ་དང་། འབྱིན་པའོ།། ལང་ཀའི་བདག་པོ་དེ་ཡང་འདི་ལྟ་སྟེ། ཡན་ལག་དྲུག་དང་། མདོ་བཞི་དང་། རྩ་བ་གསུམ་གྱི་ལྡེ་མིག་གིས།། རྒྱལ་བ་ཀུན
167b2 གྱི་དགོངས་པའི་མཛོད།། ངེས་པར་འབྱེད་ཅེས་རྒྱལ་བས་བཤད།། ལང་ཀའི་བདག་པོ་དེ་ལ་སྤྱོད་པའི་འདྲེན་སྒོ་ལྡེ་མིག་གསུམ་གྱིས་འབྱེད་པ་ནི་འདི་ལྟ་སྟེ། ཡན་ལག་དྲུག་དང་། མདོ་བཞི་དང་། རྩ་བ་གསུམ་མོ།།
167b3 དེ་ལས་ཡན་ལག་དྲུག་གང་ཞེ་ན། རྒྱུའི་ཡན་ལག་དང་། སྦྱོར་བའི་ཡན་ལག་དང་། འབྲས་བུའི་ཡན་ལག་དང་། དངོས་གཞིའི་ཡན་ལག་དང་། གཟུང་བའི་ཡན་ལག་དང་། མཚན་ཉིད་ཀྱི་ཡན་ལག་གོ། དེ་ལ་རྒྱུའི
167b4 ཡན་ལག་གང་ཞེ་ན། འདི་ལྟ་སྟེ། འབྱུང་བའི་ཡན་ལག་དང་།། སྨིན་པའི་ཡན་ལག་གོ། ལང་ཀའི་བདག་པོ་དེ་ལ་འབྱུང་བའི་ཡན་ལག་གང་ཞེ་ན། གང་ཡོངས་སུ་ཚོགས་ན་བརྗོད་པ་འབྱུང་བ་ཉིད་ལ་བྱ་སྟེ། ཚད་མ
167b5 དང་། བློ་གྲོས་དང་། འཛིན་པ་དང་། མཆོད་རྟེན་དང་། འདུས་པ་དང་། ངེས་པའོ།། སྨིན་པའི་ཡན་ལག་ནི་གང་དམ་པར་སྨིན་པའི་རྒྱུ་སྟེ། གང་ཞེ་ན་འདི་ལྟ་སྟེ། བྱང་ཆུབ་ཀྱི་ཡན་ལག་དང་། ལམ་གྱི་ཡན་ལག་གོ།།
167b6 ལང་ཀའི་བདག་པོ་སྦྱོར་བའི་ཡན་ལག་ནི་ཡུལ་ལ་སྦྱོར་བ་སྟེ། གང་བློའི་ཡུལ་ལ་སྦྱོར་བ་དང་། སྙིང་རྗེའི་ཡུལ་ལ་སྦྱོར་བའོ།། ལང་ཀའི་བདག་པོ་དེ་ལ་བློ་ཡུལ་ལ་སྦྱོར་བ་ནི་གང་བློ་གྲོས་འབྱུང་བའི་རྩ་བ་གླེང་སློང
iiif viewer powered by OpenSeadragon
