| e-texts navigator |
| Wylie |
167a1 པོར་གྱུར་པས་ན།། དེ་ཡི་འགྲོ་བ་མི་སྨིན་ཕྱིར།། གཟུགས་སྐུ་བསྟན་ནས་ཚིག་ལམ་བརྗོད།། འདས་དང་མ་འོངས་ད་ལྟར་གྱི།། དཔག་ཏུ་མེད་པའི་དུས་རྣམས་སུ།། རྒྱལ་བ་རྣམས་ཀྱི་དགོངས་པ་གང་།།
167a2 ཇི་ལྟར་རྣམ་པར་བགྲོས་པ་ཉོན།། ལང་ཀའི་བདག་པོ་འདི་ལྟ་སྟེ།། དམ་པ་རྣམས་ཀྱི་དགོངས་པ་ལ་འཇུག་པར་འདོད་ན་མཛོད་དུ་འཇུག་པར་བྱའོ།། རང་བཞིན་མ་བཅོས་པར་བྱའོ།། ལྗོན་ཤིང་བསྐྱེད་པར་བྱའོ།།
167a3 དམ་པར་འཇུག་པར་བྱའོ།། སྒྲོན་མ་བསྲེལ་བར་བྱའོ།། ཁྱད་པར་དུ་འགྲོ་བར་བྱའོ།། ཡུལ་ལ་འཇུག་པར་བྱའོ།། མེ་ལོང་བརྟག་པར་བྱའོ།། མཐུན་པར་འཇུག་པར་བྱའོ།། ནད་གསོ་བར་བྱའོ།། སྨྲས་པ། གསང་བ
167a4 པའི་བདག་པོ་ཆོས་ཀྱི་རྣམ་གྲངས་བཅུ་པོ་དེ་དག་ཇི་ལྟར་ཡོངས་སུ་ཤེས་པར་བགྱི།། སྨྲས་པ། ལང་ཀའི་བདག་པོ་ཆོས་ཀྱི་རྣམ་གྲངས་བཅུ་པོ་དེ་དག་ལས་དང་པོ་དམ་པ་རྣམས་ཀྱི་མཛོད་དུ་འཇུག་པར་བྱ་ན་སྒོ་གསུམ
167a5 ནས་ཞུགས་པས་གང་མེད་ལ་མི་ཟད་པའི་མཛོད་དུ་འཇུག་པ་ཉིད་དོ།། སྨྲས་པ། གསང་བ་པའི་བདག་པོ་སྒོ་གསུམ་གང་ལགས།། སྨྲས་པ། ལང་ཀའི་བདག་པོ་སྒོ་གསུམ་འདི་ལྟ་སྟེ། སྤྱོད་པས་འདྲེན་པའི་སྒོ་དང་།
167a6 ཐབས་ཀྱི་སྦྱོར་སྒོ་དང་། ངེས་པའི་གསང་སྒོ་དང་གསུམ་མོ།། སྨྲས་པ། གསང་བ་པའི་བདག་པོ་སྒོ་དེ་དག་གང་གིས་འབྱེད་པ་ལགས།། སྨྲས་པ། ལང་ཀའི་བདག་པོ་སྒོ་དེ་དག་ནི་ལྡེ་མིག་གསུམ་གྱིས་འབྱེད་པར་རིག
iiif viewer powered by OpenSeadragon
