| e-texts navigator |
| Wylie |
166b1 མཐུན་དུ།། བསྟན་ནས་དྲང་བའི་ཐབས་སུ་ཐོས།། ལུང་གི་གཏན་ཚིགས་འདི་སྐད་དུ།། བདག་གིས་ཐོས་པའི་དུས་གཅིག་ན།། ལྡེམ་དགོངས་སྦྱོར་བའི་ཚུལ་ཉིད་ཀྱིས།། བསྟན་ནས་བཀྲི་བའི་ཐབས་སུ་ཐོས།། འདོད
166b2 རྐྱེན་ཚིག་ནི་འདི་སྐད་དུ།། རྟོགས་པར་གྱུར་པའི་དུས་གཅིག་ན།། འདོད་ཆེན་པ་ལ་འདོད་པ་ནི།། ཐབས་ཀྱིས་དྲང་པ་ཉིད་དུ་ཐོས།། གསང་སྔགས་རྡོ་རྗེ་ནམ་མཁའ་ཆེ།། ཚིག་གི་སྤྱོད་ཡུལ་མ་ཡིན་པས།། བརྗོད་པས
166b3 རྟོགས་པར་མི་ནུས་ཏེ།། བདག་གིས་བགྲོ་བར་རབ་ཏུ་དཀའ།། དཔེའམ་ཚད་མའམ་གཏན་ཚིགས་སམ།། རྗེས་སུ་དཔག་པའི་ཤེས་རབ་ཀྱིས།། རྟོགས་པར་ནུས་པ་མ་ཡིན་ཏེ།། དམུས་ལོང་མཁའ་ལ་མཐོས་འཇལ
166b4 འདྲ།། འོན་ཀྱང་བཀའ་ཡི་གཉེར་གཏད་ཅིང་།། ལོག་ཞེན་ཐབས་ཀྱིས་དྲང་བ་དང་།། བསྐུལ་བ་ཁྱོད་ཀྱི་དམ་ཚིག་ཀྱང་།། སྔོན་གྱི་གོ་ཆ་གྱོན་པའི་མཐུས།། མ་རྟོགས་པ་རྣམས་ཚིག་ཙམ་གྱིས།། མཚོན་ནས་རྣམ་གྲོལ
166b5 ས་དག་ལ།། བརྒྱུད་དེ་དྲང་བའི་ཐབས་ཉིད་དུ།། ཅི་རིགས་ཙམ་དུ་བགྲོ་བར་བྱ།། རང་བཞིན་ཡེ་ནས་སངས་རྒྱས་པ།། མཐོང་དང་མ་མཐོང་རྣམ་གཉིས་ལ།། དམན་པའི་སྐབས་ན་དེ་མཐོང་མིན།། མཐོང་བ་དམ་པའི
166b6 སྐབས་ནའོ།། མཐོང་བ་མངོན་ཐོས་རྣམ་གཉིས་ལ།། མཐར་ཕྱིན་དམ་པ་མངོན་སུམ་པ།། བློ་གྲོས་རྣལ་འབྱོར་སྤྱོད་ཡོན་ཅན།། ཐོས་པ་མཐོང་བར་འགྱུར་ཕྱིར་རོ།། སྟུག་པོ་བཀོད་པའི་རྒྱལ་བ་ཡང་།། ཆོས་སྐུའི་སྙིང
iiif viewer powered by OpenSeadragon
