| e-texts navigator |
| Wylie |
166a1 ལ་ཕན་པ་དང་སྙིང་བརྩེ་བ་ཉིད་དུ་བགྱི་བའི་སླད་དུ་མི་ཆེན་པོ་རྣམས་ཀྱི་སྤྱོད་ཡུལ། ཆོས་ཐམས་ཅད་མངོན་པར་རྫོགས་པར་སངས་རྒྱས་པ། གང་དུ་མ་བཀག་པའི་ཆོས་ཉིད་དུ་ལོངས་སྤྱོད་པ། ཐབས
166a2 ཀྱི་ཐེག་པ་ཆེན་པོ་དགོངས་པ་དམ་པ་དེ་ཁོ་ན་ཉིད་དེ་རྣམ་པར་བགྲོ་ཞིང་སྨྲ་བའི་སེང་གེ་ཁྱོད་ཀྱིས་ཕྱིན་ཅི་མ་ལོག་པར་འགྲོ་བའི་དུས་ལ་བབ་བོ།། སྐྱེས་བུ་ཆེན་པོ་ཤིན་ཏུ་རབ་ཏུ་དུས་ལ་བབ་བོ།། ངེས་པ་དམ་པར
166a3 བགྲོ་བའི་དུས་ལ་བབ་བོ།། དེ་ཅིའི་སླད་དུ་ཞེ་ན།། སྐྱེས་བུ་ཆེན་པོ་ཁྱོད་ནི་དེ་བཞིན་གཤེགས་པ་ཐམས་ཅད་ཀྱི་བཀའ་གསང་བ་ཆེན་པོའི་བདག་པོར་དབང་གིས་དབང་བསྐུར་བ་ལགས་ཏེ། གང་རྨོངས་པ་རྣམས་གོ།
166a4 འབྱེད་པ་དང་། གང་འཇོམས་པ་དྲང་བའི་ཐབས་སྤྲིན་ཕུང་གི་དྲ་བ་ཐམས་ཅད་བདེ་བླག་ཏུ་དྲང་བའི་སླད་དུ་དགོངས་པ་དམ་པའི་ལུས་དགྲོལ་དུ་གསོལ་ཞེས་བསྐུལ་བ་ལས།། གསང་བ་པའི་བདག་པོ་དེས་འདི་སྐད
166a5 ཅེས་སྨྲས་སོ།། བསྐུལ་བའི་གོ་ཆ་ཆེན་པོ་ཁྱོད།། ཀུན་ལ་རབ་ཏུ་བརྩེ་བའི་ཕྱིར།། གང་ལ་བསྐུལ་བར་ཁྱོད་བརྩོན་ན།། བགྲོ་བ་གླེང་བསླང་ལེགས་སོ་ལེགས།། འདི་ལྟར་འདི་སྐད་བདག་ཉིད་ཀྱི།། ངེས་པའི་དོན་དེ་ཁོ
166a6 ན་ཉིད།། ཐོས་པ་སྣང་བའི་དུས་གཅིག་ན།། ཐམས་ཅད་ནམ་མཁའ་ལྟ་བུ་ལས།། རང་བྱུང་རང་སྣང་ཉིད་དུ་ཐོས།། གསང་བའི་ཚིག་ནི་འདི་སྐད་དུ།། ཟོས་པར་གྱུར་པའི་དུས་གཅིག་ན།། མཐུན་འཇུག་ཐབས་ཀྱི་ཆ
iiif viewer powered by OpenSeadragon
