| e-texts navigator |
| Wylie |
165a1 པ་ཡིས།། དངོས་པོ་དངོས་པོ་ཐམས་ཅད་གཅོད།། ལྷག་མཐོང་མེ་ཡི་བསྐལ་པ་ཡིས།། ཉོན་མོངས་དངོས་པོ་ཐམས་ཅད་སྲེག། ཞི་གནས་ཆུ་ཡི་བསྐལ་པ་ཡིས།། ཉོན་མོངས་དྲི་མ་ཐམས་ཅད་འཁྲུ།།
165a2 ཐོགས་མེད་རླུང་གི་བསྐལ་པ་ཡིས།། ཤེས་བྱ་ཐམས་ཅད་ཀུན་ཏུ་བསྐྱོད།། ཤེས་རབ་ནམ་མཁའི་བསྐལ་པ་ཡིས།། མཚན་མའི་རྒས་རྒུད་ཐམས་ཅད་སྟོངས།། ལས་ངན་མྱུར་དུ་རྒྱུན་བཅད་ན།། གནས་ངན་དག་ལས
165a3 མྱུར་དུ་སྒྲོལ།། ཐབས་དང་ཐེག་པ་གང་དག་ལས།། ཐ་མའི་ཐ་མ་ཡིན་པར་བཤད།། སྙིགས་མར་གྱུར་པའི་སྐབས་རྣམས་སུ།། འདུལ་བ་རྣམས་གཉིས་ནུབ་པས་ན།། ཉོན་མོངས་རྣམས་ནི་དངོས་པོར་སྣང་།། འདས
165a4 ནས་ནུབ་པོ་ཞེས་པ་ལ།། མ་འདས་མ་ནུབ་དེ་ཉིད་ནི།། དུས་དེར་ཤུགས་ཀྱིས་འདུལ་བ་ཡིན།། ལང་ཀའི་བདག་པོ་དེ་ལྟར་ན།། འདི་ཀུན་གསང་བ་དམ་པ་ཡི།། དབྱིངས་ལས་གར་ཡང་མ་གཡོས་ཤིང་།། སྟོང་པ་ཁོ
165a5 ནའི་དབྱིངས་ཉིད་ལས།། སྟོང་པའི་ཆོས་རྣམས་བྱུང་བར་ཟད།། སྟོང་ཉིད་གསང་བ་དེ་ཁོ་ན།། ཐེག་ཆེན་གསང་བ་དེ་ཉིད་དོ།། གསང་བའི་བདག་པོ་དེ་སྐད་ཅེས་བརྗོད་པས་ལང་ཀའི་བདག་པོ་ལ་སོགས་པ་དམན
165a6 པའི་ལུས་ཀྱི་སེམས་དཔའ་རྣམས་ཐམས་ཅད་གསང་བ་དམ་པ་ཉིད་དུ་ངེས་པའི་སོམ་ཉི་མེད་པར་གྱུར་ཏོ།། སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་ཆོ་འཕྲུལ་སྔོན་བྱུང་གི་ལེའུ་ཞེས་བྱ་བ་སྟེ།
iiif viewer powered by OpenSeadragon
