| e-texts navigator |
| Wylie |
164a1 ཐོབ།། ལང་ཀའི་བདག་པོ་གཞན་ཡང་གང་།། དཀའ་ཐུབ་རིག་བྱེད་ཐེག་པ་ནི།། འདི་ཡི་ཡུལ་གྱིས་གསུམ་ཉིད་དེ།། ཐ་མ་དག་ལ་སྣང་བ་ནི།། དཀའ་ཐུབ་སྡོམ་དང་བརྟུལ་ཞུགས་དག། མཉམ་ཉིད་མི
164a2 གཡོ་སྐྱེ་མེད་ལ། བཀུར་འོས་འདུན་པའི་ཚུལ་བཟུང་ནས།། རིགས་ཀྱི་རྡོ་རྗེ་འཛིན་གནས་པའོ།། འབྲིང་ལ་རྣམ་པར་སྣང་བ་ནི།། བྱ་བ་དག་པའི་ལས་སྤྱད་དེ།། རྣལ་འབྱོར་ཏིང་འཛིན་མར་ལྡན་ན།། མི་གཡོའི
164a3 སེམས་པས་མངོན་སུམ་དུ།། རིགས་བཞི་རྡོ་རྗེ་འཆང་གནས་པའོ།། རབ་ལ་ངེས་པར་སྣང་བ་ནི།། སེམས་ཉིད་ཡུལ་ལ་རྩལ་རྫོགས་ཏེ།། ཡུལ་ཉིད་རིག་པས་མངོན་མཐོང་ན།། དེ་ཉིད་དེར་ནི་མངོན་བྱས་ནས།། རྡོ་རྗེ
164a4 རིགས་འཆང་གནས་པའོ།། ལང་ཀའི་བདག་པོ་གཞན་ཡང་གང་།། དབང་སྒྱུར་ཐབས་ཀྱི་ཐེག་པ་ཡང་།། ཡུལ་གྱི་རྣམ་པ་གསུམ་སྣང་བ།། བསྐྱེད་དང་རྫོགས་དང་ཡོངས་སུ་རྫོགས།། ཐ་མ་བསྐྱེད་པ་གང་སྣང་བ།།
164a5 ཐབས་དང་ཤེས་རབ་རྣམ་དག་ལས།། བསྟེན་པ་ལྔ་ལ་སོགས་པའི་ཆོས།། རྒྱལ་བ་ལྔ་ལས་རྫོགས་སངས་རྒྱས།། རྣལ་འབྱོར་རྩལ་ཆེན་རྫོགས་པའི་ས།། འབྲིང་ལ་རྫོགས་པར་གང་སྣང་བ།། མཉམ་པས་མཉམ་པའི
164a6 དོན་མཐོང་ན།། མཉམ་རྫོགས་ཡུལ་ཤེས་དབྱིངས་ཡེ་ཤེས།། ཀུན་རིག་ཀུན་རྫོགས་ཀུན་ཏུ་སྣང་།། ཆོས་ཉིད་མི་འགྱུར་བདལ་བའི་ས།། རབ་ལ་ཡོངས་སུ་རྫོགས་པ་ནི།། ཡེ་ཤེས་དབྱིངས་ཞེས་བྱ་བའི་དོན།། ཐ་སྙད
iiif viewer powered by OpenSeadragon
