| e-texts navigator |
| Wylie |
163b1 ཉིད་རིན་ཆེན་འབྱུང་བར་ལྡན།། ཆུ་ནི་མཉེས་གསལ་སྣང་མཐའ་ཡས།། རླུང་ནི་ཀུན་འབྱེད་གདོན་མི་ཟ།། ལང་ཀའི་བདག་པོ་འདི་ལྟ་སྟེ།། གང་འདིར་སངས་རྒྱས་མེད་པ་ནི།། ཐམས་ཅད་སྟོང་པར་ཡེ་སངས་ཏེ།།
163b2 དེས་ཁྱབ་མ་འདྲེས་སངས་རྒྱས་ཉིད།། མ་བཅོས་ཡེ་ནས་སངས་རྒྱས་པ།། འབྱུང་བ་ཆེན་པོ་བཅོམ་ལྡན་འདས།། ལང་ཀའི་བདག་པོ་དེ་དག་ནི།། འཁོར་ལོ་རྒྱུན་གྱི་ཐེག་པ་སྟེ།། ངང་གིས་རྒྱུན་གྱི་འཁོར་ལོར་འབྱུང་།།
163b3 བརྟན་གཡོ་ཀུན་ལ་རང་བཞིན་གནས།། ལང་ཀའི་བདག་པོ་གཞན་ཡང་གང་།། དོན་དམ་ངེས་པའི་ཐེག་པ་ནི།། གསུམ་དུ་ངེས་པར་སྣང་བ་སྟེ།། ཀུན་འབྱུང་འདྲེན་དང་དཀའ་ཐུབ་རིག། དབང་སྒྱུར་ཐབས་ཀྱི་ཐེག
163b4 པའོ།། གང་འདིར་འདྲེས་པ་འདི་ལྟ་སྟེ།། ཡུལ་གསུམ་ངེས་པར་སྣང་བ་ནི།། ཐ་མ་འབྲིང་དང་རབ་ཏུ་སྣང་།། ཐ་མའི་ཡུལ་དུ་གྱུར་པ་ནི།། ཤིན་ཏུ་ཡ་ངའི་ལས་སྤངས་ཏེ།། ཡིད་འོང་འདུལ་བའི་ཚུལ་བཟུང་ནས།། རང
163b5 གི་རྩ་བ་དེར་བསྐྲུན་པ།། སོ་སོར་ཐར་པའི་ལམ་དུ་སྣང་།། འབྲིང་གི་ཡུལ་དུ་གྱུར་པ་ནི།། འདི་ཀུན་རྟེན་ཅིང་འབྲེལ་བྱུང་ལ། བདག་མེད་ཆོས་གཅིག་མེད་མཐོང་བས།། བརྗོད་མེད་སྤྲུལ་པའི་ཆོས་རྣམས་སྟོན།། རང
163b6 གི་རྩལ་གྱིས་བདེར་གནས་པའོ།། རབ་ཀྱི་ཡུལ་དུ་གྱུར་པ་ནི།། བདག་མེད་བྱམས་སྙོམས་རྟོག་ལས་འདས།། ཡུལ་མེད་མ་སྐྱེས་ཕྱོགས་དང་བྲལ།། ས་དང་རྣམ་ཐར་བདེར་བསྐྲུན་པས།། དངོས་མེད་ངོ་བོ་ཉིད་སྐུ
iiif viewer powered by OpenSeadragon
