| e-texts navigator |
| Wylie |
162b1 ཡུལ་རྣམས་ལས།། གསུམ་དུ་ངེས་པར་སྣང་བ་ནི།། འདོད་ལ་ཞེན་དང་ངེས་པ་འབྱུང་།། གདུལ་དཀའ་དྲག་པོ་གདུལ་བྱ་གསུམ།། གང་གིས་འདེགས་པའི་རྩལ་གསུམ་ནི། འཁོར་ལོ་རྒྱུན་དང་དོན་དམ་ངེས།། ཆོ
162b2 འཕྲུལ་མངོན་པར་འབྱུང་བ་གསུམ།། རང་བཞིན་ཡེ་ནས་སྣང་བ་ཡིན།། ཇི་ལྟར་འདེགས་པའི་ཐབས་རྣམས་ནི།། བསམ་གྱིས་མི་ཁྱབ་གསུམ་ཉིད་དུ།། སྣང་བ་དེ་ཉིད་གང་ཡིན་པ།། རང་བཞིན་ཤུགས་དང་གཉེན
162b3 པོའི་ཐབས།། ལས་རྒྱུད་གཅོད་པ་འབའ་ཞིག་གོ། འཁོར་ལོ་རྒྱུན་དུ་སྣང་བ་ཡང་།། ཡེ་ནས་སངས་རྒྱས་གྲགས་པ་ལྔར།། གདུལ་བྱ་འདུལ་བྱེད་ཐམས་ཅད་ཀུན།། ལྔར་བྱུང་ལྔར་སྣང་ལྔས་འདུལ་སྒྲོལ།། སྐྱེད་དང
162b4 འཚོ་དང་བརྟེན་པའོ།། རྒྱུ་དང་རྐྱེན་དང་གནས་པ་ཡི།། མི་རྟོག་ངག་གིས་ཀུན་འབྱུང་བ།། མེད་ལ་མི་ཟད་རྣམ་པ་གསུམ།། གང་གི་དབྱིངས་དང་མངོན་སུམ་པ།། བདག་ཉིད་ཆེན་པོ་དེ་ཉིད་ནི།། ཐམས་ཅད་དུ་ཡང
162b5 སངས་རྒྱས་མེད།། ལང་ཀའི་བདག་པོ་འདི་ལྟ་སྟེ།། གང་བདག་དབྱིངས་སུ་སངས་རྒྱས་པ།། ཆེན་པོ་ལྔར་སྣང་གང་འདི་དག། འབྱུང་བ་རྒྱུན་གྱི་བཅོམ་ལྡན་འདས།། ཐུགས་རྗེ་རྟག་པའི་སངས་རྒྱས་ཏེ།། རང་བཞིན
162b6 ཀུན་ལ་ཁྱབ་པར་གནས།། ཇི་ལྟར་འདོད་དང་འདོད་པར་སྣང་།། སྣང་སྲིད་སྟོན་པའི་སྒྲོན་མར་གྲགས།། འབྱུང་བ་རྒྱུན་གྱི་རྟག་པ་སྟེ།། རང་བཞིན་སྟོངས་པས་མཛད་པར་སྟོན།། ལང་ཀའི་བདག་པོ་གཞན་ཡང་གང་།།
iiif viewer powered by OpenSeadragon
