| e-texts navigator |
| Wylie |
161b1 ཕྲག་བརྒྱ་བྱུང་།། དེ་ཀུན་མཐར་ཟད་བྱུང་བ་ཡི།། སངས་རྒྱས་དཀོན་མཆོག་དཔལ་གྱིས་ཀྱང་།། འཁོར་གྱི་ནང་དུ་ལུང་བསྟན་པ།། བྱེ་བ་ཕྲག་བརྒྱ་བྱུང་བ་ཡི།། དེ་བཞིན་གཤེགས་པ་དེ་རྣམས་ཀྱིས།། ངེས་པ་དམ
161b2 པར་ལུང་བསྟན་བཞིན།། ང་སྣང་མི་གནས་དེ་རྗེས་ལ།། ལོ་ནི་བརྒྱད་ཀུ་རྩ་གཉིས་ལ།། གསང་འདུས་ཐེག་ཆེན་སྙིང་པོ་འདི།། བྱང་ཆུབ་སྙིང་པོ་ཅན་ཞེས་པའི།། ས་ལེ་གསེར་གླིང་བྱ་བ་དེར།། རྒྱལ་པོ་བདེ་སྐྱོབ་སྐལ
161b3 ཡོད་ལ།། ལས་དང་ཐུགས་རྗེ་མཐུན་པ་ཡི།། ཆོས་ཀྱི་མིག་གཅིག་འབྱེ་འགྱུར་ཏེ།། རིགས་ལྡན་ཀུན་གྱིས་ཐོབ་པར་འགྱུར།། བསྐུལ་བ་ཆེན་པོ་གཞན་ཡང་ཉོན།། བསྐལ་པ་བཟང་པོ་འདི་ཉིད་ལ།། སངས་རྒྱས་བརྒྱ
161b4 ཕྲག་བཅུ་འབྱུང་བའི།། བཞི་པར་བྱུང་བའི་སྒྲོན་མ་ཉིད།། ཐུབ་པའི་དབང་པོ་དེ་ཉིད་ཀྱིས།། འཁོར་གྱི་ནང་དུ་ལུང་བསྟན་པ།། བྱེ་ཕྲག་བརྒྱད་ཅུ་རྩ་བཞི་ཡི།། མངོན་རྫོགས་རྒྱལ་པོ་དེ་ཉིད་ཀྱིས།། གང་གི་ཕྱོགས་དག
161b5 སྨིན་བྱས་ནས།། ཐེག་ཆེན་རྡོ་རྗེ་སྙིང་པོ་ཉིད།། རྒྱ་ཆེར་གྲགས་པར་འགྱུར་རོ་ཞེས།། ཀུན་གྱི་ལུང་ཆེན་བསྟན་པ་བཞིན།། ང་ནི་འདི་ནས་མི་སྣང་ནས།། ལོ་ནི་བརྒྱ་དང་བཅུ་གཉིས་ན།། ལྷ་གནས་གསུམ་དུ་གྲགས་པ
161b6 ཡི།། བསྟན་པའི་སྙིང་པོ་དམ་པ་ཞིག། འཛམ་གླིང་ཤར་གྱི་ཕྱོགས་མཚམས་ཀྱི།། མི་ལས་སྐལ་ལྡན་རིགས་ཅན་དེ།། རྒྱལ་པོ་ཛ་ཞེས་བྱ་བ་ལ།། སྔོན་དུ་ལྟས་སྣང་གནང་འགྱུར་བ།། དྲག་ཤུལ་ཅན་ཞེས་བྱ་བའི་རྩེ།།
iiif viewer powered by OpenSeadragon
