| e-texts navigator |
| Wylie |
160a1 པའི་ལུང་ཆེན་ངེས་པ་བསྟན་པ་ན་ཡང་བྱུང་ཞེས་བྱུང་བའི་དྲི་བ་ཡོངས་སུ་དྲིས་པ། ཀྱེ་གསང་བའི་བདག་པོ་ཉིད་ཀྱིས་ཐེག་པ་ཆེན་པོ་གསང་བ་དམ་པ་བྱུང་བའི་ཚུལ་སྟོན་པས་ལུང་བསྟན་པ་གཏམ་རྒྱུད
160a2 དུ་བརྗོད་པའི་སྐབས་སུ་ལུང་ཆེན་ངེས་པར་བསྟན་པ་ན་ཡང་བྱུང་ཞེས་བཀོད་པ་དེ་ཇི་ལྟ་ཞིག་ཏུ་ལུང་བསྟན་ཏེ་གྲགས་པ་ལགས།། གསང་བ་པའི་བདག་པོས་སྨྲས་པ། ལང་ཀའི་བདག་པོ་གང་དྲི་བ་དེ་ནི་ལེགས་སོ།།
160a3 ཤིན་ཏུ་ལེགས་སོ།། རབ་ཏུ་ལེགས་སོ།། དེ་ནི་འདི་ལྟར་འཁོར་བ་ཐོག་མ་མེད་པའི་དབྱིངས་སུ་བསྐལ་པ་ཐོག་མ་དང་ཐ་མ་མེད་པའི་སྐབས་ལ་སངས་རྒྱས་ཐོག་མ་དང་ཐ་མ་མེད་པར་གང་གི་སྒྲོན་མར་སྣང་བ་དག་གི
160a4 ཐབས་གཅིག་གི་བྱ་བས་གང་ཕྱོགས་གཅིག་ཏུ་ཕན་པ་ཉིད་དུ་བྱ་བ་ཡོངས་སུ་སྨིན་པར་བྱས་ཏེ། ཐབས་དམ་པས་གར་ཕྱོགས་མེད་པར་ཕན་པ་ཡོངས་སུ་སྨིན་པར་བྱ་བ་དག་གང་གི་རྗེས་སུ་གང་འགྲོ་བ་དམ་བཅས་པ
160a5 ཉིད་དེས་བྱུང་ཞིང་སྣང་བར་ལུང་བསྟན་པ་ཡོངས་སུ་གྲགས་པར་འགྱུར་གྱི། སྒྲོན་མ་གང་གིས་ཉིད་ཀྱི་ཡུལ་སྣང་བ་ལས་མ་གཏོགས་པ་ཐམས་ཅད་སྣང་བ་ནི་མ་ཡིན་པའི་ཕྱིར་རོ།། ལང་ཀའི་བདག་པོ་ལུང་བསྟན་པ
160a6 དེ་ཡང་ཇི་ལྟ་ཇི་ལྟར་འདི་ལྟ་སྟེ། བསྐལ་པ་ཐོག་མ་མེད་པ་ལ། ཇི་སྙེད་གང་འབྱུང་བ་བརྗོད་མི་ལང་།། སྐབས་ལས་གཅིག་བྱུང་འདིར་བརྗོད་ཀྱིས།། དམ་བཅས་གོ་ཆ་བགོས་ཁྱོད་ཉོན།། བསྐལ་པ་ཀུན་བཀོད་བྱ་བ
iiif viewer powered by OpenSeadragon
