| e-texts navigator |
| Wylie |
159b1 མགུ་བས།། གང་ལའང་མོས་པ་མཐའ་ཡས་གསུངས།། ལང་ཀའི་བདག་པོ་གང་དམ་པ་རྣམས་དེ་ཁོ་ན་ཉིད་ལས་མ་གཡོས་པར་སེམས་ཅན་གྱི་ཁམས་འདུ་ཤེས་མཐའ་ཐུག་པ་མེད་པ་དང་། སྒྲ་དང་། གཟུགས་དང་།
159b2 སྤྱོད་མ་མཐའ་ཐུག་པ་མེད་པ་རྣམས་མི་མཁྱེན་པ་དང་། མ་གསན་པ་དང་། མ་གཟིགས་པ་དང་།། མི་འགྲེལ་པ་ནི་གང་ཡང་མེད་དོ།། དེ་ཅིའི་ཕྱིར་ཞེ་ན།། ཐམས་ཅད་ནས་ཐམས་ཅད་དུ་སྙིང་པོ་བྱང་ཆུབ་ཉིད་དུ་མ
159b3 འདྲེས་པར་ཡོངས་སུ་རྫོགས་པའི་ཕྱིར་གང་གི་སྙིང་པོ་བྱང་ཆུབ་ན་མི་གཡོ་བ་ན་མི་རྟོག་པ་ཉིད་དང་། སེམས་ཅན་གང་གཏིལ་འབྲུ་ན་གནས་པ་དེ་ལ་རིང་བ་དང་། ཉེ་བ་དང་། གཅིག་དང་། སོ་སོ་མ་ཡིན་ཏེ། དེ་ཁོ་ན
159b4 ཉིད་གཅིག་པའི་ཕྱིར་དབྱིངས་གཅིག་ཏུ་གཉིས་སུ་མེད་པར་གནས་སོ།། ལང་ཀའི་བདག་པོ་དེ་དག་ནི་གང་གི་ཆེད་དུ་དེ་བཞིན་གཤེགས་པའི་སྐུའི་མཛད་པ་ཆེད་དུ་མཛད་པའོ།། སངས་རྒྱས་ཀུན་གྱི་དགོངས་པ
159b5 འདུས་པའི་མདོ་ཆེན་པོ་ལས་སྐུའི་མདད་པ་ཡོངས་སུ་རྫོགས་པའི་ལེའུ་སྟེ་བཞི་བཅུ་གཉིས་པའོ།། །། ཐེག་པ་ཆེན་པོ་ངེས་པར་འབྱུང་བའི་ཚུལ་ལས་གང་གི་ཆེད་དུ་མཛད་པ་ན་ཡང་བྱུང་བའི་གཏམ་རྒྱུད་བརྗོད་པའི
159b6 ཆོས་ཀྱི་ཕྱག་རྒྱ་ཡེ་ཤེས་རྣམ་པར་བགྲོས་པ་སྟེ་བྱུང་ཚུལ་བསྟན་པ་དགུ་པའོ།། །། དེ་ནས་ཡང་ལང་ཀའི་མངའ་བདག་བྱང་ཆུབ་སེམས་དཔའ་སེམས་དཔའ་ཆེན་པོ་དེས་སྔོན་དུ་བྱུང་བའི་ཚིག་བཅུ་གཉིས་པའི་བཅུ
iiif viewer powered by OpenSeadragon
