| e-texts navigator |
| Wylie |
159a1 དག་འཇོག་གིས་སོ།། ལ་ལ་ནི་འདོད་པ་བཀག་པས་སོ།། ལ་ལ་ནི་འདོད་པ་སྤྱོད་པས་སོ།། གང་དེ་ལྟར་མོས་པ་ཐ་དད་ལ་སྤྱོད་པ་དང་། གཟུགས་དང་། སྒྲ་དང་། ལྟ་བ་དང་། ཐབས་དང་། འདོད་པ
159a2 དང་། དོན་ཐ་དད་པར་བསྟན་པས་ཡོངས་སུ་སྨིན་པར་མཛད་དོ།། ལང་ཀའི་བདག་པོ་དེ་དག་ནི་ཐབས་ཀྱིས་མཛད་པར་རིག་པར་བྱའོ།། སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་ཐབས་ཀྱི
159a3 མཛད་པ་ཡོངས་སུ་རྫོགས་པའི་ལེའུ་སྟེ་བཞི་བཅུ་གཅིག་པའོ།། །། དེ་ནས་ཡང་གསང་བ་པའི་བདག་པོ་དེས་ལང་ཀའི་བདག་པོ་ལ་སྨྲས་པ། ལང་ཀའི་བདག་པོ་གཞན་ཡང་གང་གི་ཆེད་དུ་སྐུའི་མཛད་པ་འདི་ལྟ
159a4 སྟེ། ཇི་ལྟར་རྡོ་རྗེ་སེམས་དཔའི་སྤྲུལ་པ་འཇིག་རྟེན་དུ་བཀོད་པས་ཐམས་ཅད་ཀྱི་གཟུགས་སུ་སྣང་བ་དེས་ཐམས་ཅད་སྨིན་པར་མཛད་པ་དེ་ཁོ་ནའོ།། དེ་ལྟར་ན་གང་གི་ཆེད་དུ་མཛད་པའི་དེ་བཞིན་གཤེགས་པའི
159a5 དགོངས་པའི་སྒོ་དང་། དེ་བཞིན་གཤེགས་པའི་གསུང་གི་སྒོ་དང་། དེ་བཞིན་གཤེགས་པའི་མཛད་སྤྱོད་ཀྱི་སྒོ་དང་། དེ་བཞིན་གཤེགས་པའི་སྤྲུལ་པ་མཐའ་དང་། དེ་བཞིན་གཤེགས་པའི་ཐབས་རྒྱ་མཚོ་འདྲ་བའི་སྤྲིན
159a6 ཕུང་ལ་ནི་འདི་འམ།། གཅིག་ཅེས་གང་ལ་ཡང་གཟུང་དུ་མེད་དོ།། དེ་ཅིའི་ཕྱིར་ཞེ་ན།། ལང་ཀའི་བདག་པོ་འདི་ལྟ་སྟེ།། སེམས་ཅན་མོས་པ་ཐ་དད་པས།། མཐའ་ཡས་སྐྱེ་བོ་མགུ་དཀའ་བ།། རྒྱལ་བས་ཀྱང་ནི་མི
iiif viewer powered by OpenSeadragon
