| e-texts navigator |
| Wylie |
157b1 དག་གི་ཆེད་དུ་རྡོ་རྗེ་ཨ་མྲྀ་ཏ་མཛད་པ་འདི་གསུང་བར་མཛད་དོ།། རྡོ་རྗེ་བཤང་གཅི་ཨ་མྲྀ་ཏ།། བཏུང་བ་མ་ངེས་པ་ཡི་ཐབས།། ཕྲ་མེན་རྡོ་རྗེ་ཡིད་བཅུག་ནས།། རྡོ་རྗེ་གསང་བར་རབ་ངེས་པའོ།། ལང་ཀའི་བདག
157b2 པོ་ཡང་སྐྱེས་བུ་དམ་པ་དེས་མཐའ་ཡས་རྡོ་རྗེ་མཛད་པ་འདི་གསུང་བར་མཛད་དོ།། མཐའ་ཡས་འཇིག་རྟེན་རྡུལ་སྙེད་ན།། ལོག་རྟོག་མི་མཐུན་རྡུལ་ཕྲན་སྙེད།། གཉེན་པོ་རྟོག་འདུལ་དེ་སྙེད་ཀྱིས།། རྡོ་རྗེ་ཐེག་ཆེན
157b3 དབྱིངས་སུ་སྦྱོར།། མཐའ་ཡས་གཡོ་རྡུལ་སྣ་ཚོགས་པ།། གང་ལ་མོས་པ་དེ་གསུངས་པས།། སེམས་ཅན་རྡོ་རྗེ་ཡིད་བཅུག་ནས།། སེམས་ཉིད་ཐེག་ཅན་རབ་ངེས་པའོ།། ལང་ཀའི་བདག་པོ་དེ་དག་ནི་གསུང་གི་མཛད
157b4 པ་གང་གི་ཆེད་དུ་མཛད་དོ།། སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་གསུང་གི་མཛད་པ་ཡོངས་སུ་རྫོགས་པའི་ལེའུ་སྟེ་བཞི་བཅུ་པའོ།། །། དེ་ནས་གསང་བ་པའི་བདག་པོ་དེས་ལང་ཀའི
157b5 བདག་པོ་ལ་སྨྲས་པ། ལང་ཀའི་བདག་པོ་གཞན་ཡང་གང་གི་དོན་དུ་ཟབས་ཇི་ལྟར་ཡང་མཛད་པ་ནི་འདི་ལྟ་སྟེ།། གང་གི་ཡུལ་ཐ་དད་མཐའ་ཡས་པའི་ཕྱིར།། མཛད་པ་ཡང་ཟ་དད་མཐའ་ཡས་པར་སྣང་བ་སྟེ། ཡུལ
157b6 ལ་ལ་ནི་དམ་པས་སྨིན་པར་མཛད་དོ།། ལ་ལ་ནི་མ་དག་པས་སྨིན་པར་མཛད་དོ།། ལ་ལ་ནི་དག་པ་སྤངས་པས་སོ།། ལ་ལ་ནི་གདམས་ངག་གིས་སོ།། ལ་ལ་ནི་བླ་འཁྱལ་གྱིས་སོ།། ལ་ལ་ནི་འཇམ་པས་སོ།། ལ་ལ
iiif viewer powered by OpenSeadragon
