| e-texts navigator |
| Wylie |
157a1 ཞེ་སྡང་རྡོ་རྗེ་ཡིད་བཅུག་ནས།། རྡོ་རྗེ་ཐེག་པར་རབ་ངེས་པའོ།། ལང་ཀའི་བདག་པོ་ཡང་སྐྱེས་བུ་དམ་པ་དེས་གནོད་སྦྱིན་ལ་སོགས་པ་གང་ཕྲག་དོག་ཅན་གྱི་ཆེད་དུ་འཁྲུགས་པ་རྡོ་རྗེ་མཛད་པ་འདི
157a2 གསུང་བར་མཛད་དོ།། ཤ་ཟ་རྟག་ཏུ་གཞན་འདོད་སྤྱོད།། ཀུན་སྡོམ་རྡོ་རྗེ་གོ་ཆ་བགོས།། ཀུན་འཁྲུགས་རྡོ་རྗེ་ཡིད་བཅུག་ནས།། གསང་ཆེན་སྙིང་པོར་རབ་ངེས་པའོ།། ལང་ཀའི་བདག་པོ་ཡང་སྐྱེ་བུ་དམ་པ་དེས་ཀླུ་ལ
157a3 སོགས་པ་གང་ཕྲ་མ་ཅན་གྱི་ཆེད་དུ་ཕྲ་མ་རྡོ་རྗེ་མཛད་པ་འདི་གསུང་བར་མཛད་དོ།། རྡོ་རྗེ་དམ་པ་དབྱེ་བའི་མཆོག། ལོག་ལྷ་ཡང་དག་ལྟ་དབྱེ་བྱས།། ཕྲ་མ་རྡོ་རྗེ་ཡིད་བཅུག་ནས།། རྡོ་རྗེ་གསང་བར་རབ་ངེས་པའོ།།
157a4 ལང་ཀའི་བདག་པོ་ཡང་སྐྱེས་བུ་དམ་པ་དེས་ལྷ་མ་ཡིན་ལ་སོགས་པ་གང་ང་རྒྱལ་ཅན་གྱི་ཆེད་དུ་གདུལ་དཀའ་རྡོ་རྗེ་མཛད་པ་འདི་གསུང་བར་མཛད་དོ།། རྡོ་རྗེ་གདུལ་དཀའ་མ་ལུས་པ།། གནོན་པ་བརྩེགས་པའི་རི
157a5 པོ་ཆེ།། ང་རྒྱལ་རྡོ་རྗེ་ཡིད་བཅུག་ནས།། རྡོ་རྗེ་ཐེག་པ་རབ་ངེས་པའོ།། ལང་ཀའི་བདག་པོ་ཡང་སྐྱེས་བུ་དམ་པ་དེས་སྲིན་པོ་ལ་སོགས་པ་ཤ་ཟ་རྣམས་ཀྱི་ཆེད་དུ་རྔམ་པ་རྡོ་རྗེ་འཛིན་པ་འདི་གསུང་བར་མཛད་དོ།། རྡོ
157a6 རྗེ་ཟབ་པ་མ་ལུས་པ།། ཐམས་ཅད་ཟ་བར་བྱེད་པ་ཉིད།། རྔམ་པ་རྡོ་རྗེ་ཡིད་བཅུག་ནས།། ཐེག་པ་ཆེན་པོར་རབ་ངེས་པའོ།། ལང་ཀའི་བདག་པོ་ཡང་སྐྱེས་བུ་དམ་པ་དེས་མཁའ་འགྲོ་ལ་སོགས་པ་གང་།། ཕྲ་མེན་མ
iiif viewer powered by OpenSeadragon
