| e-texts navigator |
| Wylie |
156b1 བར་མཛད་དོ།། ཐམས་ཅད་རྣམ་རིག་འཁྲུལ་སྣང་བ།། གཞན་མེད་དེ་ཉིད་དམ་པར་ཡོད།། རྣམ་ཤེས་གང་ཡིན་འདུར་བཅུག་སྟེ།། གསང་བ་དམ་པར་རབ་ངེས་པའོ།། ལང་ཀའི་བདག་པོ་ཡང་སྐྱེས་བུ་དམ་པ་དེས
156b2 གང་གི་མཐའ་ཡོངས་སུ་སེལ་བ་དག་གི་ཆེད་དུ་ནམ་མཁའ་རྡོ་རྗེ་མཛད་པ་འདི་གསུང་བར་མཛད་དོ།། གང་འདིར་ཡོད་དང་མེད་པ་ཡི།། མཐའ་གཉིས་ངེས་པར་རབ་བསལ་ཏེ།། སེམས་ཉིད་གང་ཡིན་འདིར་བཅུག
156b3 སྟེ།། དབུར་མར་མི་དམིགས་རབ་ངེས་པའོ།། ལང་ཀའི་བདག་པོ་ཡང་སྐྱེ་བུ་དམ་པ་དེས་ཚངས་པ་ལ་སོགས་པ་གང་གཏི་མུག་ཅན་གྱི་ཆེད་དུ་གཏི་མུག་རྡོ་རྗེར་མཛད་པ་འདི་གསུང་བར་མཛད་དོ།། འཇིག་རྟེན་ཀུན
156b4 གྱི་གཏི་མུག་ལས།། བྱང་ཆུབ་སེམས་ཀྱི་རྡོ་རྗེ་འབྱུང་།། གཏི་མུག་རྡོ་རྗེ་ཡིད་བཅུག་ནས།། གསང་ཆེན་ཐེག་པར་རབ་ངེས་པའོ།། ལང་ཀའི་བདག་པོ་ཡང་སྐྱེས་བུ་དམ་པ་དེས་གུ་ལང་ལ་སོགས་པ་གང་འདོད་ཆགས
156b5 ཅན་གྱི་ཆེད་དུ་ཆགས་པ་རྡོ་རྗེ་མཛད་པ་འདི་གསུང་བ་མཛད་དོ།། འཇིག་རྟེན་གཡོ་རྡུལ་ཕོ་མོ་གང་།། ཇི་སྙེད་གུ་ལང་ཨུ་མ་ཉིད།། ཆགས་པ་རྡོ་རྗེ་ཡིད་བཅུག་ནས།། གསང་ཆེན་ཐེག་པར་རབ་ངེས་པའོ།། ལང་ཀའི
156b6 བདག་པོ་ཡང་སྐྱེས་བུ་དམ་པ་དེས་བི་སྣ་ལ་སོག་པ་གང་ཞེ་སྡང་ཅན་གྱི་ཆེད་དུ་གསོད་པ་རྡོ་རྗེ་མཛད་པ་འདི་གསུངས་པར་མཛད་དོ།། ཇི་སྙེད་གཡོ་རྡུལ་སེམས་ཅན་རྣམས།། རྡོ་རྗེ་མཚོན་ཆེན་གཅིག་གིས་བསད།།
iiif viewer powered by OpenSeadragon
