| e-texts navigator |
| Wylie |
153b1 ཆོས་ཀྱི་རྒྱལ་པོར་འགྱུར།། དེས་ན་ཐེག་ཆེན་གསང་བ་འདི།། ཀུན་ལ་བསྔགས་པ་བརྗོད་པར་གྱིས།། དེས་ནི་ང་ཡི་དགོངས་པ་ཐོབ།། རྒྱལ་བ་ཀུན་གྱི་ཐུགས་དམ་ཡང་།། ཐེག་ཆེན་གསང་བའི་སྙིང་པོ་ཡིན།། རྣལ
153b2 འབྱོར་གང་ཞིག་བློ་ལྡན་པས།། སྐད་ཅིག་ཐང་ཅིག་ཡུད་ཙམ་ལ།། གསང་ཆེན་གསང་བར་ངེས་བཞག་ན།། རྒྱལ་བ་ཀུན་ཀྱང་རིགས་འཛིན་གྱི།། གསང་ཆེན་གསང་བར་རབ་ངེས་པའོ།། གསང་བའི་བདག་པོ་དེ་ལྟར
153b3 ན།། གསང་ཆེན་གསང་བའི་སྙིང་པོ་གང་།། ངེས་པར་ལེགས་པའི་བཅད་རྒྱུད་དང་།། ལོག་པར་ངེས་པའི་བཅད་རྒྱུད་རྣམས།། སྔོན་བྱུང་བརྒྱུད་པ་གྲགས་པ་ཡིན།། དེ་སྐད་གསང་བ་མཆོག་ཉིད་གསུང་།། ཞེས
153b4 གསང་བའི་བདག་པོས་སྔོན་བྱུང་བའི་གཏམ་རྒྱུད་ཇི་ལྟར་བརྒྱུད་ཅིང་གྲགས་པ་བརྗོད་པའི་བྱ་བ་བྱས་པས་ལང་ཀའི་བདག་པོ་ལ་སོགས་པ་མངོན་དུ་སྣང་བའི་སེམས་དཔའ་དམན་པའི་ལུས་ཅན་རྣམས་གང་དུ་མ
153b5 ངེས་པའི་སོམ་ཉི་ཡོངས་སུ་ཆད་པར་གྱུར་ཏོ།། སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་སྔོན་དུ་བྱུང་བ་གཏམ་རྒྱུད་ཡོངས་སུ་བརྗོད་པའི་ལེའུ་སྟེ་སུམ་ཅུ་བརྒྱད་པའོ།། །། ཐེག་པ་ཆེན་པོ་ངེས
153b6 པར་འབྱུང་བའི་ཚུལ་ལས་བརྒྱུད་པ་ཐབས་ཀྱིས་གྲགས་པ་ན་ཡང་བྱུང་བྱ་བ་གཏམ་རྒྱུད་བརྗོད་པའི་ཆོས་ཀྱི་ཕྱག་རྒྱ་ཡེ་ཤེས་རྣམ་པར་བགྲོས་པ་སྟེ་བྱུང་ཚུལ་བསྟན་པ་བརྒྱད་པའོ།། །། དེ་ནས་ཡང་ལང་ཀའི
iiif viewer powered by OpenSeadragon
