| e-texts navigator |
| Wylie |
152b1 གསང་བ་ཉིད་མཐོང་བས།། གསང་ཆེན་གསང་བའི་ངེས་རྙེད་དེ།། ཀུན་གྱི་གསང་བ་ངེས་པར་མཐོང་།། ཆོས་རྣམས་ཀུན་གྱི་བསང་བ་སྟེ།། དེ་ལས་དེ་བྱུང་འབུམ་ཕྲག་ཡས།། ཆོས་ཀྱི་རྒྱལ་པོར་གྱུར་ནས་ནི།། སྨྲ་བ
152b2 ཀུན་གྱི་སེང་གེ་ཞེས།། ཞིང་ཁམས་ཀུན་ཏུ་གྲགས་པར་གྱུར།། དེ་འདྲའི་ཚུལ་བྱུང་བསླབ་པར་གྱིས།། གཞན་ཡང་གསང་འཛིན་གནོད་འདུལ་ཉོན།། ཐེག་ཆེན་གསང་བའི་ཚིག་ལམ་གཅིག་ཁོང་དུ་ཆུད་པར་གྱུར་པ
152b3 ནི།། སྐྱེ་བོ་ཉན་ཐོས་བསམ་ཡས་དང་།། རྒྱལ་བ་མཐའ་ཡས་སྲས་བཅས་ལ།། མཆོད་ཡོན་ཚོགས་ཆེན་སྤེལ་བས་ནི།། འབུམ་གྱི་ཆར་ཡང་མི་ཕོད་དོ།། ཅིའི་ཕྱིར་ཐེག་ཆེན་འདི་ཤེས་པས།། རྒྱལ་བ་མཉེས་པའི
152b4 མཆོག་འདི་ཡིན།། ནམ་མཁའ་ཀུན་ཁྱབ་རྒྱལ་བ་དང་།། ཐེག་ཆེན་གསང་བའི་སྙིང་པོ་གཉིས།། སོ་སོ་མ་ཡིན་ཐ་མི་དད།། དེ་ནས་རྒྱལ་བ་གཅིག་མཉེས་པས།། རྒྱལ་བ་ཐམས་ཅད་མཉེས་པ་ཡིན།། སྐུ་དང་གསུང
152b5 ཐུགས་གཅིག་ལས་མེད།། འདུལ་བའི་དབང་གི་ཁྱད་པར་ལས།། བསམ་གྱིས་མི་ཁྱབ་བསྟན་པར་ཟད།། དེ་ཡང་ཇི་ལྟ་བུ་ཞེ་ན།། འདས་པའི་དུས་ན་སྔོན་བྱུང་བ།། སྐལ་ལྡན་ཡོངས་སུ་དག་པའི་རིགས།། དགེ་ལྡན
152b6 གསལ་ལྡན་བྱ་བ་གཉིས།། གང་དུ་མོས་པས་སོ་སོར་སྐྱེས།། གཅིག་ལ་གཅིག་འདིར་ཐ་ཚིག་བཅས།། གཅིག་གིས་དམན་པའི་ཐེག་པ་ལ།། སྤྲད་ནས་བྱ་བའི་ལས་ཆེན་བྱས།། གཅིག་ནི་ཐེག་ཆེན་གསང་བའི་དོན།།
iiif viewer powered by OpenSeadragon
