| e-texts navigator |
| Wylie |
151b1 ཏོག་གི་རྩེ་མོར་གྱུར་པ་བཞིན།། ཡོངས་ཀྱིས་ནུབ་པ་མ་ཡིན་ནོ།། དེ་ཡང་ཇི་ལྟ་བུ་ཞེ་ན།། དགེ་བའི་རྒྱལ་པོ་ཞེས་བྱ་བ།། ལྟ་བུ་ཁྲི་ཚོ་བཅུ་དང་བཅས།། སྙིང་པོ་གསང་བར་རྣལ་འབྱོར་ལ།། རིན་ཆེན་འོད་ལྡན་གཙུག
151b2 འཛིན་དུ།། ཤིན་ཏུ་དང་བས་དགེར་གཡོས་ཏེ།། ལྷ་རྫས་ཡོ་བྱད་མང་པོ་དང་།། བཅས་ནས་དམ་པའི་དྲུང་དུ་དོང་།། དགའ་བས་འདུན་པའི་ཚུལ་བཟུང་ནས།། སྙིང་པོ་གསང་བའི་དོན་ལ་ཞུགས།། ཆོ་འཕྲུལ་ཆེན་པོ
151b3 བཞི་ཐོབ་སྟེ།། ལྷ་གནས་ཀུན་དུ་བགྲོད་པ་དང་།། འབྱུང་ཆེན་ལུགས་ལས་སྤྲུལ་པ་དང་།། རི་བོ་འདེགས་དང་འཕང་བ་དང་། ཡུལ་གྱི་ཚེ་ལ་གནས་པ་ཐོབ།། རྒྱལ་མཚན་རྩེ་མོའི་ཏོག་བཞིན་དུ།། མཐོང་བ་དག་གི
151b4 ཆོས་ཉིད་དེ།། བསྐལ་པར་ནུབ་པར་མ་གྱུར་ཏོ།། དེ་འདྲའི་ཚུལ་བྱུང་འཇུག་པར་གྱིས།། གཞན་ཡང་གསང་བདག་འདི་ལྟ་སྟེ།། མཐོང་བས་ཆོས་འདི་ཡོང་དག་པ།། ཡེ་ཤེས་སྒྲོན་མའི་མིག་རྙེད་ནས།། བླ་མེད་སྙིང་པོ
151b5 ཅན་རྣམས་ཀྱི།། ལམ་རྙེད་ལམ་དུ་ཞུགས་པ་ཡིན།། དེ་ཡང་ཇི་ལྟ་བུ་ཞེ་ན།། འདས་པའི་དུས་ན་སྔོན་བྱུང་བ།། ཐེག་ཆེན་གསང་བར་རབ་ངེས་པ།། ལྷུན་གྲུབ་རྩལ་ཆེན་རྫོགས་པ་ཡི།། རིགས་ཆེན་འཛིན་པའི་ས
151b6 ཉིད་ཐོབ།། དེ་འདྲ་ཚུལ་བྱུང་མཐོང་བར་གྱིས།། གཞན་ཡང་གསང་ཆེན་འཛིན་པ་ཉོན།། གང་དག་ཐེག་ཆེན་མངོན་སྤྱོད་ལ།། དགའ་བས་རྗེས་སུ་ཡི་རང་བས།། དེ་ནི་དེ་དང་འདྲ་བ་སྟེ། འབྲ་བུ་དག་ལ་མཐོ་དམན
iiif viewer powered by OpenSeadragon
