| e-texts navigator |
| Wylie |
151a1 ན།། འདས་པའི་དུས་ན་སྔོན་བྱུང་བ།། བྲམ་ཟེ་བྱམས་ལྡན་ཞེས་བྱ་བས།། གསང་ཆེན་གསང་བའི་སྙིང་པོར་འདི། མཐོང་བས་མོས་ཏེ་ཀུན་ལ་བལྟས།། དེ་ཡང་རྙེད་པར་མ་གྱུར་ཏེ།། གང་གི་ཕྱོགས་སུ
151a2 གནས་ནས་ནི།། ཤིན་ཏུ་ངུས་ནས་གདུངས་སྔགས་སྨྲས།། ཨེ་མའོ་བདག་གི་ལས་རེ་ཕམ།། སྐྱེས་ནས་རྒས་པར་གྱུར་བར་དུ།། ཡང་དག་གསང་བའི་དོན་བཙལ་ན།། གང་འདི་མ་མཐོང་ལས་རེ་ངན།། དེ་ཡང་ཇི
151a3 ལྟར་མཐོང་བར་འགྱུར།། བཙལ་བས་རྙེད་པར་ཡོད་མིན་ཏེ།། བདག་ལ་སྟོན་པ་གང་སུ་ཞིག། སྒྲ་ཆེར་ངུས་ཏེ་སྨྲས་པ་ལས།། ནམ་མཁའི་ཁམས་ནས་སྒྲ་བྱུང་སྟེ།། སྐལ་དང་ལྡན་པའི་རིགས་ཅན་ཁྱོད།། འདི་ལྟར
151a4 ངེས་པའི་བློ་བརྟན་པས། ཁྱོད་ནི་དོན་གྱི་བགོ་སྐལ་བ།། དུས་གསུམ་རྒྱལ་བ་ཐམས་ཅད་ཀྱིས།། ཁྱོད་ལ་བྱིན་གྱིས་བརླབ་པ་མཛད།། དེ་བས་མོས་པ་མ་གཡེལ་བར།། དོན་དང་ཕྲད་པའི་ཐབས་དག་ལ།། མཁས
151a5 ཤིང་བརྩོན་པར་བྱ་དགོས་ཏེ།། གདོས་པའི་ལུས་ནི་གདོད་པོར་ནས།། སྙིང་པོ་དོན་ལ་ངེས་བལྟས་ན།། དེ་མ་ཐག་ཏུ་མཐོང་བར་འགྱུར།། དེ་སྐད་ལུང་བསྟན་ཐོས་ནས་ནི།། དགའ་བས་མོས་པ་ཆེར་གཡོས་ཏེ།། ཇི
151a6 ལྟར་བསྟན་པ་དེར་བལྟས་པས།། རིགས་ཆེན་འཛིན་པའི་སྲས་སུ་གྱུར།། དེ་འདྲའི་ཚུལ་བྱུང་མོས་པར་སྤྱོད།། གསང་བའི་བདག་པོ་འདི་ལྟ་ཏེ།། མཐོང་ལ་སྐལ་ལྡན་འདིར་ཞུགས་ཏེ།། ཐམས་ཅད་དུ་ཡང་དེ་བཞིན་ཏེ།།
iiif viewer powered by OpenSeadragon
