| e-texts navigator |
| Wylie |
150b1 ཤེས་བཞག་པ་ལས།། མི་གཙང་ཟས་ཀྱིས་འཚོ་བ་ཡི།། སྲོག་ཆགས་བླུན་པའི་ལུས་ལེན་པར།། རང་གི་མངོན་པར་ཤེས་པས་མཐོང་།། ཤིན་ཏུ་སྐྲག་པའི་འདུ་ཤེས་ཀྱིས།། སྐྱབས་ཀྱི་ཡུལ་ནི་ཡིད་ལ་བྱས།། གང་དེར
150b2 གང་དྲན་མ་བྱུང་བར།། ཐེག་ཆེན་གསང་བའི་སྙིང་པོའི་མཚན།། ཚིག་གི་ལམ་དུ་གྲགས་པ་བཞིན། ཐོས་པ་ཡིད་ལ་བྱས་པ་ཡིས།། ངན་འགྲོར་འགྲོ་ལས་སླར་ལོག་ཏེ།། བདེ་བ་ཆེན་པོའི་གནས་སུ་འཁོད།། དེ་འདྲའི
150b3 ཚུལ་བྱུང་དེ་བཞིན་སྤྱོད།། གཞན་ཡང་གསང་བའི་བདག་པོ་ཉོན།། ཐེག་ཆེན་གསང་བར་རབ་ངེས་ན། རྣམ་སྨིན་དྲག་པོས་གང་འཕགས་ཀྱང་།། ཇི་ལྟར་ཕོ་ལོང་བརྡབས་པ་བཞིན།། འཕེན་འགྲོ་དོན་གྱིས་དེར་མི
150b4 གནས།། ཅི་ཕྱིར་ཐམས་ཅད་སྟོང་ཉིད་པས།། སྡུག་བསྔལ་གནས་སུ་བཅས་དེ་ཡང་།། སེམས་ཅན་བཅས་ཏེ་སྟོང་པའི་ཕྱིར།། རེག་འགྱུར་མྱོང་བར་འགྱུར་མ་ཡིན།། དེ་ཡང་ཇི་ལྟ་བུ་ཞེ་ན།། འདས་པའི་དུས་ན་སྔོན
150b5 བྱུང་བ།། དམིག་པ་ཅན་གྱི་རྣལ་འབྱོར་པ།། ཐེག་ཆེན་ཟབ་མོའི་ཚིག་ཐོས་པས།། ཤིན་ཏུ་སྐྲག་ཅིང་དངང་འགྱུར་ཏེ།། སྐུར་བཏབ་རྒྱབ་ཕྱོགས་སྙིང་རལ་ནས།། ངུ་འབོད་གནས་ལྟུང་མ་མྱོང་བར།། བདེ་འགྲོ་ཐར་པའི
150b6 གནས་སུ་ཐོན།། དེ་འདྲའི་ཚུལ་བྱུང་ཤེས་པར་གྱིས།། རྒྱལ་བ་རྣམས་ཀྱི་གསང་འདི་ལ། གང་དགའ་གང་ཞིག་འདུན་སྐྱེད་པ།། གཞན་གྱི་བར་ཆད་མི་འབྱུང་བར།། ཇི་ལྟར་མོས་པ་དེ་མྱུར་ཐོབ།། དེ་ཡང་ཇི་ལྟར་བུ་ཞེ
iiif viewer powered by OpenSeadragon
