| e-texts navigator |
| Wylie |
14b1 རྣམས།། འཁོར་བའི་སེམས་ཅན་རྒྱུད་ལས་བྱུང་།། འཁོར་བའི་སེམས་ཅན་རྒྱུན་བཅད་ན།། སངས་རྒྱས་རྒྱུན་ཡང་ཆད་པ་ཡིན།། དཔེར་ན་ནམ་མཁའི་གཞའ་ཚོན་ནི།། དང་པོ་གཞན་ནས་འོངས་པ་དང་།། ཐ་མ
14b2 གཞན་དུ་སོང་བ་མེད།། དེ་ཉིད་རང་འབྱུང་རང་ཞི་ལྟར།། སྤྲུལ་པ་རང་འབྱུང་རང་ཞི་བས།། དེ་ཉིད་དེ་ལ་ནུབ་པ་མེད།། འདས་ཀྱང་མ་བྲལ་ཐ་དད་མིན།། མ་འདས་པ་ནའང་གཅིག་མིན་ཏེ།། འདའ་དང་མི་འདའ
14b3 ལས་འདས་པས།། བྲལ་དང་མ་བྲལ་ག་ལ་ཡོད།། དེས་ན་གང་ལ་ཅི་ཕྱིར་གདུང་།། གདུང་བ་རྨོངས་པ་འཁྲུལ་པ་ཡིན།། ཨེ་མའོ་ངོ་མཚར་ཇི་ལྟ་བུ།། འདི་གོ་ཇི་ལྟར་འཁྲུལ་ཞིག་གུ།། ཞེས་གསང་བའི་བདག་པོ་དེས
14b4 སེང་གེ་རྣམ་པར་ལྟ་བའི་ཚུལ་གྱིས་གཞལ་བཏབ་ས་རྨོངས་པས་གདུངས་པ་རྣམས་དགའ་མགུར་རང་ནས་གདུང་བ་ཡོངས་སུ་སངས་ཏེ་སེམས་མ་བཅོས་པར་གནས་ཏེ་དེ་བཞིན་གྱི་དཀྱིལ་འཁོར་ཐམས་ཅད་འོད
14b5 གསལ་བར་གྱུར་ཏོ།། དེ་ནས་ལང་ཀའི་བདག་པོས་གསང་བ་བའི་དབང་པོ་ལ་གསོལ་པ།། གསང་བའི་བདག་པོ་ཆེན་པོ་གདུང་བ་ཐམས་ཅད་སེལ་ཏམ།། འོན་ཏེ་མི་མཇེད་ཀྱི་འཇིག་རྟེན་གྱི་གདུང་བ་འབའ་ཞིག
14b6 སེལ།། གསང་བ་པའི་བདག་པོས་སྨྲས་པ།། ལང་ཀའི་བདག་པོ་ཁོ་མོ་ནི་གདུང་བ་ཐམས་ཅད་སེལ་བ་སྟེ།། འདས་པའི་དུས་ཀྱི་དུས་ཀྱི་གདུང་བ་ཇི་སྙེད་པ་ཡང་བསལ་ཏོ།། ད་ལྟ་མི་མཇེད་ཀྱི་འཇིག་རྟེན་གྱི་ཁམས
iiif viewer powered by OpenSeadragon
