| e-texts navigator |
| Wylie |
14a1 དུ།། མི་སྣང་འོད་ཀྱང་གཞན་དུ་སྣང་།། མི་བསྐྱོད་རྡོ་རྗེ་ཐུགས་མཆོག་ཀྱང་།། ཐུགས་རྗེ་སྤྲུལ་པའི་བྱིན་བརླབས་ཀྱིས།། འཇིག་རྟེན་ཁམས་ནི་དཔག་ཏུ་མེད།། མུན་སྣང་རབ་འབྱུང་རང་བཞིན
14a2 ཡིན།། སྐྱེ་མེད་ཡེ་ཤེས་ཉིད་ཀྱི་དབྱིངས།། གདོད་ནས་བདེར་གཤེགས་སྙིང་པོ་ལས།། རྣམ་རྟོག་གློ་བུར་ལས་ཀྱི་བསྒྲིབས།། དེ་ཉིད་འགྲོ་མགོན་སྐྱབས་ཆེན་ཡིན།། རྒྱལ་པོ་དགོངས་པ་ཚིག་གསུམ་པོ།། འཕྲུལ་གྱི་བློ
14a3 དང་གྲོས་མཆོག་སྟེ།། ཡུན་གྱི་དོན་སྲིད་པ་ཆེན་པོ་ལས།། བློ་གྲོས་དམ་པའི་ཡུལ་དུ་སྣང་།། རྒྱལ་བ་ཀུན་གྱི་ཐུགས་འཇུག་པ།། ཇི་བཞིན་པ་ཡི་དེ་ཁོ་ན།། ཉིད་དུ་ངེས་པའི་ངོ་བོ་ལ།། བློ་བཞག་དེ་ཉིད་ངེས་པ
14a4 ཡིན།། ཆོས་ཀུན་ནམ་མཁའི་མཚན་ཉིད་དེ།། ཡེ་ཤེས་སྐུ་ཅན་རྒྱལ་བ་རྣམས།། སྐུ་ལ་དངོས་ཅན་དངོས་མེད་པར།། སྐུ་གདུང་རིང་བསྲེལ་ཇི་ལྟར་འབྱུང་།། སེམས་ཅན་རྣམས་ལ་ཕན་དོན་དུ།། མེད་པ་ཉིད་ལས་སྤྲུལ
14a5 པ་ཡི།། སྒྱུ་མ་རིང་བསྲེལ་ཡུངས་འབྲུ་ཙམ།། ཐུགས་རྗེ་ཐམས་ཀྱིས་གཞག་ཚུལ་བསྟན།། ངེས་པར་རིང་བསྲེལ་གང་འདོད་པ།། བྱེ་མ་དག་ལས་མར་འདོད་འདྲ།། གང་ཚེ་འབྲས་བཏབ་ཏིལ་འབྲུ་སྨིན།། དེ་ཚེ་རིང
14a6 བསྲེལ་ཡོད་པར་འགྱུར།། གཟུགས་སྣང་བྲབ་སྒྲོགས་སྙིང་པོ་ཅན།། སྐུ་དང་གསུང་ཐུགས་སྙིང་པོ་ཅན།། མཆོད་གནས་ཡིད་རྟེན་དམ་པ་ཞེས།། འགྲོ་མགོན་རྡོ་རྗེ་སེམས་དཔས་བཤད།། དཔག་ཏུ་མེད་པའི་རྒྱལ་བ
iiif viewer powered by OpenSeadragon
