| e-texts navigator |
| Wylie |
149b1 པར་ངེས་སོ་ཞེས།། སྟེན་ཁྲིད་ཆགས་སྡང་གཉིས་ལ་འཆེལ།། དེ་ཉིད་ཡོངས་སུ་སྨིན་པ་ཡིས།། རཀྵ་སྲིན་པོའི་ཁམས་སུ་ལྟུང་།། དེ་འདྲའི་ཚུལ་བྱུང་དེར་མ་སྤྱོད།། གཞན་ཡང་གསང་བདག་འདི་ལྟ་སྟེ།། རྣལ་འབྱོར
149b2 གང་དག་བློ་ཆུང་རྣམས།། རྣལ་འབྱོར་གང་དག་དོན་གླེངས་ན།། དེ་ལ་འཇིགས་ཤིང་སྐྲག་འགྱུར་ཏེ།། སྦ་ཞུམ་མི་དགའ་འབྱོལ་བྱེད་བླུན།། དེ་ཡང་ཇི་ལྟ་བུ་ཞེ་ན།། འདས་པའི་དུས་ན་སྔོན་བྱུང་བ།། གྲགས་འབྱུང
149b3 བསྐལ་པ་དེ་ཉིད་ལ།། ལྷ་སྦྱིན་དེ་ཞེས་བྱ་བ་ཞིག། རྣལ་འབྱོར་ལས་ཀྱི་དང་པོའི་ཚེ།། རྣལ་འབྱོར་ངེས་དོན་མང་པོ་གཞན།། ངེས་དོན་གསང་བའི་དོན་གླེངས་ན།། ལྷ་སྦྱིན་འཁོར་བཅས་དེ་ལས་བྱོལ།། ནོར་བའི
149b4 སེམས་ཀྱིས་ཕྲག་དོག་སྐྱེས།། རང་གི་གནས་དོན་ངན་དུ་བརྗོད།། དེ་ཡིས་བསྐལ་པ་དཔག་མེད་དུ།། ཡང་དག་དོན་གོལ་ལོག་པར་འཁྱམས།། དེ་འདྲའི་ཚུལ་བྱུང་དེར་མ་སྤྱོད།། གཞན་ཡང་གསང་བའི་བདག་པོ
149b5 ཉོན།། རྣལ་འབྱོར་ཉིད་ཀྱི་རྣལ་འབྱོར་ལ།། རྣོན་པོ་གདུག་པའི་དུག་མདའ་གཏོང་།། ཐ་ཚིག་བཙན་པོ་རྫོང་ལྟ་བུ།། འཇོམས་བྱེད་རྣལ་འབྱོར་རང་བགེ་ས་ཡིན།། དེ་ཡང་ཇི་ལྟ་བུ་ཞེ་ན།། རྣལ་འབྱོར་བློ་གྲོས་བྱ་བ་ཞིག།
149b6 མི་འཇིག་ཞེས་བྱའི་རྣལ་འབྱོར་པ།། དོན་མེད་བཅོས་པར་སྤྱོད་པ་དེར།། བློ་གྲོས་དམ་པ་འདུས་པར་གྱུར།། བཟོད་ལྡན་དེ་ལ་ངན་སེམས་ཀྱིས།། སྐུར་བཏབ་ཁ་ན་མ་ཐོ་བརྗོད།། དེ་ནི་མི་འཇིག་མནར་མེད་ལྟུང་།།
iiif viewer powered by OpenSeadragon
