| e-texts navigator |
| Wylie |
148b1 བོཔོ་ཉིད་དེང་ཞིག། ཚན་དང་གཞན་གྱི་རིས་བཅད་པས།། ཉོན་མོངས་འཁོར་བའི་ལམ་དུ་ལྷུང་།། དེ་འདྲའི་ཚུལ་བྱུང་དེར་མ་སྤྱོད།། གཞན་ཡང་གདུལ་དཀའ་འདུལ་བ་ཡི།། རྣལ་འབྱོར་དམ་པར་བསྔོ་རྒྱུ་ལ།། བདག
148b2 གིར་འདོད་ཕྱོད་གསོག་འཇོག་བྱེད།། གཅིག་ཡིད་གཅིག་གིས་འབྱིན་བྱེད་པ།། ནམ་ཞར་ལོག་སྤྱོད་ཐོབ་པ་མིན།། དེ་ཡང་ཇི་ལྟར་བུ་ཞེ་ན།། འདས་པའི་དུས་ན་སྔོན་བྱུང་བ།། གྲགས་པ་ཀུན་བཀོད་དེ་ཉིད་ལ།།
148b3 བདེར་ཤིས་ཞེས་ནི་བྱ་བ་ཡི།། རྣལ་འབྱོར་ཞེན་ཆགས་འཁོར་དང་བཅས།། སྔགས་ཚིག་སྒྲ་ཡི་རྗེས་སྤྱོད་ལས།། དེ་ཡི་ཁོར་དེར་འདུས་གྱུར་པའི།། བུད་མེད་བཟང་རྒྱན་བྱ་བ་ཞིག། འཚོ་བ་འཛིན་པར་སྦྱར་བ་ལས།།
148b4 སེར་སྣས་གསོག་འཇོག་བྱས་པ་ཡིས།། ཡི་དྭགས་ཁྱི་ཡི་ལུས་བླངས་ཏེ།། དམན་པའི་ལུས་སུ་གཏན་དུ་འཁྱམས།། དེ་འདྲི་ཚུལ་བྱུང་དེར་མ་སྤྱོད།། གཞན་ཡང་གསང་བདག་གནོད་འདུལ་ལ།། ལོག་པར་སྤྱོད་པའི
148b5 རྣལ་འབྱོར་ནི།། ལོག་ལྟ་སྤྱི་བརྟོལ་གཏུམ་ཁྲོ་ཆེ།། སྡིག་སྤྱོད་དོན་དང་མི་ལྡན་ཡང་།། བདག་འདི་ངེས་པ་ཁོ་ན་ཞེས།། བབ་ཚོལ་བཀའ་རྐུན་སླུ་བྱེད་བསླད།། དེ་ཡང་ཇི་ལྟ་བུ་ཞེ་ན།། འདས་པའི་དུས་ན་སྔོན་བྱུང་བ།།
148b6 ཆོས་སྐྱོང་བ་ཡི་རྣལ་འབྱོར་པ།། པྲ་མ་ཏ་ཞེས་བྱ་བ་ཞིག། དོན་དག་ལམ་ལ་མ་མཐོང་བར།། བདག་ནི་ལམ་མཁས་ཁོ་ན་ཞེས།། ཀུན་ལ་རྒྱ་ཆེར་གྲགས་པ་ལས།། རྒྱལ་བའི་བཀའ་རྐུན་འགོ་གང་རྣམས།། བསླུས
iiif viewer powered by OpenSeadragon
