| e-texts navigator |
| Wylie |
148a1 ཉིད་ལ།། ཚིག་གི་ཁུར་ཆེན་ལྗིད་ཕབ་ནས།། རིགས་རྒྱུད་འཛིན་པར་དཔོན་བསྟབས་ཏེ།། ཆེ་བས་ཆེ་བའི་དྲེགས་པ་སྐྱེད།། མི་ཤེས་བཞིན་དུ་ཚུལ་འཆོས་ཏེ།། འདྲ་ཚུལ་ལོག་པའི་ཆོས་སྤྱད་པས།།
148a2 འཁོར་བཅས་དྲེགས་པའི་རུ་ཏྲར་ལྷུང་།། དེ་འདྲའི་ཚུལ་བྱུང་དེར་མ་སྤྱོད།། གཞན་ཡང་གནོད་འདུལ་གསང་བའི་བདག། མཛའ་འདྲིན་བསྡང་སྟེར་ཞིང་རྣམས་དང་།། རྙེད་དག་བཀུར་སྟིས་འཚོ་བའི་འཁོར།། གཞན
148a3 དབང་ཉིད་དུ་འགྱུར་དོགས་ནས།། རིས་དང་ཚོམ་སྡེ་སོ་སོར་བཅོད།། འདི་དག་བདག་གིས་གདུལ་བྱ་ཡི།། འབྱོར་པས་འཚོ་བའི་ཞིང་ཡིན་གྱིས།། གང་དག་གང་འདིར་མ་འདུ་ཞེས།། ཉོན་མོངས་ཚིག་གིས་སྒོ་བྱེད
148a4 ནོར།། དེ་ཡང་ཇི་ལྟ་བུ་ཞེ་ན།། འདས་པའི་དུས་ན་སྔོན་བྱུང་བ།། གང་དུ་གྲགས་པ་དེ་ཉིད་ལ།། ན་ཞི་ན་ཞེས་བྱ་བ་ཞིག། རྣལ་འབྱོར་ལྔ་བརྒྱའི་འཁོར་དང་བཅས།། ཤིན་ཏུ་གསང་སྔགས་ཆེར་སྤྱོད་ཅེས།། དགོན་པའི
148a5 རྒྱུན་དུ་དབེན་གནས་ཏེ།། གང་གི་ལྗོངས་ཆེན་དེ་དག་ན།། གནས་པས་གནས་པ་དེ་དག་ཀུན། ཁ་གསག་ཐབས་རྒྱུད་ཞིང་དུ་སྤྱོད།། གཞན་གྱི་སྡེ་པར་གྱུར་པ་ཡི། རྣལ་འབྱོར་མིག་ལྡན་དོན་མཐོང་ཞིང་།། གང་དེ་ཆེད
148a6 དུ་གཉེར་འོངས་ནས།། དོན་དམ་ངེས་ལམ་དེ་ཁོ་ན།། རྒྱས་པར་བསྟན་དུ་བརྩམས་པ་ལས།། དགོན་པའི་རྒྱུད་དུ་དབེན་འཛིན་པས།། ཉོན་མོངས་ལོག་པའི་སྒོ་བ་བྱས།། འདི་ཁམས་བདག་གི་ཞིང་ཡིན་གྱི། ཁོ་ན་ངོ
iiif viewer powered by OpenSeadragon
