| e-texts navigator |
| Wylie |
147b1 བའི་སྙིང་པོ་འདི།། རྣལ་འབྱོར་དབང་སྒྱུར་ཚད་མ་རྣམས།། ཕལ་ཆེར་མི་གནས་སྐབས་དག་ཏུ།། མི་ཤེས་ངན་རྟོག་ཅན་རྣམས་ཀྱིས།། ལོག་བརྟགས་དོན་བསླད་གཞུང་བོར་ཏེ།། ནོར་བས་བདག་ཉིད་སུན་འབྱིན་ཅིང་།།
147b2 འདི་ཡིན་གཞན་རྟོགས་མ་ཡིན་ཞེས།། བདག་བསྟོད་གཞན་ལ་སྨོད་པ་ལོག། དེ་ཡང་ཇི་ལྟ་བུ་ཞེ་ན།། བསྐལ་པ་དེ་ཡི་དུས་ཉིད་ལ།། རྣལ་འབྱོར་དཔལ་བྱིན་བྱ་བ་ཞིག། དོན་ལ་བློ་ཤེད་མ་བྱེ་ཞིང་། གྲོས་ཀྱི་ཐབས་ལ
147b3 མི་མཁས་པས།། བློ་གྲོས་ངེས་པའི་གཞུང་བོར་ནས། ཆོས་མ་ཡིན་པའི་ཆོས་སྤྱོད་ཅིང་།། ངེས་པའི་གྲོས་ལྡན་གཞན་དག་ལ།། དེ་ལྟར་མ་ངེས་བློ་གྲོས་ནི།། བདག་གི་བློ་གྲོས་འདི་ཡིན་ཞེས།། མངོན་པའི་ང་རྒྱལ་ཆེར
147b4 སྤྱོད་པ།། འདི་ནི་སྲིད་པ་ལོག་པའི་ལམ།། དེ་འདྲའི་ཚུལ་བྱུང་དེར་མ་སྤྱོད།། གཞན་ཡང་གནོད་འདུལ་འདི་ལྟ་སྟེ།། སྔར་བྱུང་རྒྱུད་ཀྱི་རྗེས་གནས་པས།། གདེང་མེད་བཞིན་དུ་དཔོན་བསྟབས་ནས།། ཚིག་གཉེར
147b5 དྲེགས་པའི་དབང་དེས་ནི།། མི་ཤེས་བཞིན་དུ་རས་སྤྱོད་པ།། ཚུལ་འཆོས་སེམས་ཀྱི་གྱ་གྱུ་ཅན།། སྐྱོན་ཐབས་བླུན་པོའི་སྡིག་ཅན་ཡིན།། དེ་ཡང་ཇི་ལྟ་བུ་ཞེ་ན།། འདས་པའི་དུས་ན་སྔོན་བྱུང་བ། ཀུན་བཀོད་གྲགས་པ
147b6 དེ་ཉིད་ལ།། ཚུལ་བརྟགས་འཛིན་པའི་རྣལ་འབྱོར་པ།། དྲི་མེད་སྤྱོད་ཅེས་བྱ་བ་ཞིག། སྔར་བྱུང་མཁས་པ་རྗེས་སུ་གནང་། ཁྲི་ཕྲག་བཅུ་ཡི་འཁོར་རྣམས་ཀྱིས།། རྒྱུད་ཀྱི་རྗེས་སུ་བྱུང་བ་ཡི།། དོན་མེད་རྣལ་འབྱོར་དེ
iiif viewer powered by OpenSeadragon
